ایللر بویو هم موسیقی‌سی، هم ده سؤزلری میلیونلار طرفین‌دن سئویله‌رک دین‌لنه‌ن موسیقی پارچالارین‌دان بیری ده «بیر کؤنول سیندیرمیشام» ماهنی‌سی‌دیر.

Kult.az سؤزو گئدن ماهنینین یارانماسی ایله باغلی تاریخچه‌نی تقدیم ائدیر:

شاعر ایسلام سفرلی «ساحل» قصبه‌سین‌ده‌کی باغلارین‌دا استراحت ائدرکه‌ن سوفره آرخاسین‌دا اؤزو ده بیلمه‌دن تمیز نیتله دئدیی سؤز قادین دوستلارین‌دان بیرینین اینجیمه‌سینه سبب اولور. قلبی اوشاق قلبی قدر صاف اولان شاعر بوتون گئجه‌نی یاتا بیلمیر. «آخی، نه اوچون او، من‌دن اینجی‌سین»، - دئییر. علینه کاغیذ-قله‌م گؤتوروب اوریین‌دن کئچه‌نلری آغ ورقه کؤچورور:

من اونو دان اولدوزو،

زررین شفق سانیردیم.

کیمه اینانماسام دا،

بیر اونا اینانیردیم.

او، بیر قارانقوش کیمی

قلبیم‌ده یووا قوردو.

آجی دیلیم قوروسون

دیلیم اونو اوچورت‌دو.

ساچلارینین گول اتری،

تیتره‌یه‌ن اوووجوم‌دا.

بو اینتیزار گؤزلریم

آغلار یول آیریجین‌دا.

قاباهتیم بؤیوک‌دور،

آی ائللر، دونه‌ن آخشام

بیر اورک سیندیرمیشام،

بیر کؤنول سیندیرمیشام!

همین واخت شاعرین یاخین دوستو الفی قاسیموو دا بو مجلیس‌ده اولدوغون‌دان ایسلام سفرلی هله هاوا ایشیقلانمامیش یازدیغی شئیری گؤتوروب، اونون یانینا یول‌لانیر. الفی قاسیمووون دا باغی ایسلام سفرلینین باغی ایله یانبایان ایدی. سحرین آلاتورانلیغین‌دا الفی قاسیموو پنجره‌نین آستادان دؤیولمه‌سینی ائشی‌دیر. پنجره‌نین قاباغین‌دا یاتان الفی قاسیموو بویلانیب ایسلام سفرلینی گؤرور:

-گئجه‌نین بو واختی خئییر اولا آی ایسلام، نه اولوب، بیر شئی یوخ‌دور کی؟

-یوخ‌دور دا سؤزدور، هله کی، یاتمامیشام. دوننکی مجلیس‌ده نئچه ایل دوز-چؤرک کسدییم آدام من‌دن اینجی‌دی. هئچ اؤزوم ده بیلمدیم، بو نئجه اولدو؟ قولاق آس، بو شئیری تأثیردن یازمیشام.

الفی قاسیموو شئیری دینله‌ییب تأثیرلنیر.
دئییر:

-ایسلام، سنین دوغرودان دا بؤیوک اوریین وار. بو شئیردن سونرا سن‌دن هئچ کس اینجیمز. گئت بون‌دان سونرا گؤزونون دینجینی بیر آز آل، هر شئی یاخشی اولاجاق...

تئزلیکله بو شئیره تانینمیش بستکار رامیز میریش‌لی همیشیاشار بیر موسیقی بستلییر.

بسته‌لنه‌ن ماهنی آذربایجان خالق آرتیستی، اوزولونماز سس تئمبری ایله اورکلره یول تاپان مرهوم شؤوکت الکبرووانین ایفاسین‌دا اولدوقجا مشهورلوق قازانیر.