بو گون خالق آرتیستی، افسانوی تارزن قربان پریمووون وفاتیندان ۵۸ ایل اؤتور.

Kult.az خبر وئریر کی، او، ۱۸۸۰-جی ایلین اوکتیابر آیین‌دا آغدامین آبدال گولابلی کندینده آنادان اولوب.

آذربایجان موسیقی‌سی تاریخین‌ده اؤزونمخصوص یئری اولان قربان پیریموو مشهور آشیق واله‌ین نتیجه‌سیدیر. ق. پیریموو ۱۵ یاشیندا ایکن معلمی، معاصر آذربایجان تارینین یارادیجیسی صادیقجانین خیر-دعاسی ایله قاراباغ تویلاریندا سئچیله‌ن خواننده‌لری مشایعت ائدیب. بئله تویلارین بیرینده خواننده ایسلام آبدوللایئو قربانین تاردا ایفاسینی بینیب و اونو اؤزونه تارزن گؤتوروب.

۱۹۰۵-جی ایل گنج تارزن اوچون اوغورلو اولوب. بئله کی، گنجه تویلارینین بیرینده جبار قاریاغدیوغلو اونون ایفاسینی بینیب و ایسلام آبدوللایئوین راضی‌لیغی ایله گنجی اؤزو ایله باکییا گتیریب. مشهور خواننده‌لری مشایعت ائد‌ن تارزن اونلارین آراسیندا ان چوخ خان شوشینسکییه باغلانیر.

اوندا اؤزونمخصوص چالغی ایشتریخلری اولوب. بونلار اونون اؤز تاپینتی‌سی، اوریینین حرارتی ایدی.

پیریمووو تانییانلار اونون هم ده چوخ زارافاتجیل بیر اینسان اولدوغونو خاطیرلاییرلار. همیشه زارافاتلا تارزنلره دئیرمیش کی، بیردن یوللا گئدنده سیزه داش آتارلار، تئز اللرینیزی گیزلدین. بیرجه اللرینیزی قورویون. قربان پیریموو حاقلی ایدی. بیزلری حیرته سالان، معجزه‌لر یارادان محض همین اللر ایدی. همین اللرین سهریندن سوزولن موسیقی هر کسین قلبینی فتح ائده بیلیردی.

تارزنلر بو گون بؤیوک صنعتکارین یولونو داوام ائتدیره‌رک اؤز سلفلرینی اونوتماغا قویمورلار. آنجاق قربان پیریمووون اؤز سؤزلری ایله دئسک، «اؤیره‌نمک اوستاد اولماقدا عمده شرط‌دیر. اما گرک هر بیر اوستادین اؤز بارماقلاری اولسون».

اوستاد صنعتکار ۱۹۶۵-جی ایل آوگوستون ۲۹-دا باکی‌دا وفات ائدیب.