ایللردیر دیللر ازبری اولان، لاچینین ارمنی ایشغالیندان آزاد ائدلمه‌سی ایله داها دا گونده‌می توتان «لاچینیم منیم» ماهنی‌سینین ماراقلی یارانما تاریخچه‌سی وار.

Kult.az آذربایجانین مرحوم سئویله‌ن موغه‌ننی‌سی محبت کاظیمووون ایفاسیندا کیچیکدن-بؤیویه هر کسین دیلینده ازبر اولان «لاچینیم منیم»ماهنی‌سینین یارانما تاریخی ایلی باغلی معلوماتی تقدیم ائدیر:

اوزون مدت ماهنینین بسته‌کاری کیمی محبت کاظیموو بیلینسه ده، اونون اؤلوموندن چوخ سونرا همکاری، کئچمیش دویت اورتاغی کؤنول کریمووا بیلدیریب کی، ماهنینین موسیقی‌سینی او بسته‌له‌ییب، اما بو حاق‌دا دانیشماییب.

ماهنینین سؤزلرینین مؤلفی اولاراق دا اوچ نفرین آدی حاللانیب. اصلن لاچیندان اولان جغرافییا معلمی عثمان آلیوغلو، توووزلو پلیس فخرالدین رحیموو و خالق شاعری مممد آسلان.

آراشدیرما نتیجه‌سین‌ده ماهنینین سؤزلرینین مؤلفینین عثمان آلیوغلو اولدوغو اورتایا چیخیب.

عثمان آلیوغلو مشهور ماهنینین یارانماسیندان دانیشیب:

"من اصلن لاچینین میشنی کندیندنه‌م. ۶۵ یاشیم وار. بو شعیر ۱۹۹۳-جو ایل مایین ۱۷-ده هکری چایینین ساحلینده یازیلیب. منیم قاچقینلیق دورونده شعیرلریم چوخ ایدی. بو شعیرین آدی "لاچینیم، سئوینجیم، کدریم منیم" ایدی. لاچینین ایشغالینین بیرینجی ایلدؤنومو ایله علاقدار یازیلیب. محبت کاظیموولا تانیشلیغیمیز ماهنی بستلندیکدن سونرا اولوب. او، ماهنینی ایلک دفعه ۱۹۹۷-جی ایلین سونلاریندا فضولیده، عسگرلرین قارشی‌سین‌دا اوخویوب.

او، افیرده اوخویاندا، دفتریمی گؤتوروب باخدیم کی، منیم شعیریم‌دیر، اما سؤزلرین یئرینی دییشیبلر. محبت معلم ایلک گؤروشده منه دئدی کی، بو شعیری منه اصلن توووزدان اولان یول پلیسی فخرالدین رحیموو وئریب، دئدی کی، آراشدیراجاغام. سونرا فخرالدینی ده چاغیردی، منی ده، بیزی اوزلشدیردی. یانیمیزدا ۱۵ نفره قدر شاعر ده وار ایدی. او مجلیسده اثبات اولوندو کی، شعیر منیم‌دیر. فخرالدین، ساده‌جه، سؤزلری دییشیب.

سونرالار کؤنول خانیمین دا ادعاسی سسلندی. "مین بیر ماهنی" آدلی بیر کیتاب واردی، او کیتابدا "لاچینیم منیم" ماهنیسینین سؤزلرینین مؤلفی کیمی شاعر مممد آسلانین آدی قید اولونموشدو. مؤلفین کیملیینی بیلمه‌ییب اونون آدینی یازیبلار. او کیتابلارین هامی‌سینی ساتیشدان ییغیشدیریب، یئنی‌دن درج ائتدیردی و مؤلف کیمی منیم آدیمی اورایا سالدیردی. سونرالار دا مؤلف حقوقلاری آگنتلیینه مراجعت ائد‌رک، بو ماهنینین سؤزلرینین مؤلفی کیمی منیم آدیمی یازدیریب».

لاچینا قاییتماق داها اومید، آرزو دئییل، رئاللیقدیر. لاچین اؤز ساکینلرینه قوجاق آچیب، یول گؤزلییر. تئزلیکله بوتون ائللرینده، اوبالاریندا اوجاقلار توستولنه‌جک، تویلاریندا بو هاوا سس‌لنه‌جک.