آذربایجان‌دا پلووون ۲۰۰ نوعوو وار و پلوو آذربایجان مطبخینین شاهی ساییلیر.

Kult.az خبر وئریر کی، آذربایجان پلووو — آیریجا ظفرانلا و یا ساریکؤکله دملنمیش دویو و پلووون یانین‌دا وئریله‌ن خوروش‌دان عبارت‌دیر.

خوروش اساساً قوش و یا قویون اتین‌دن حاضرلانیر. اوزرینه آلبوخارا، شابالید، کیشمیش، اریک قوروسو علاوه ائدیلیر. دؤشه‌مه پلوو ایسه اساساً تویوقلا حاضرلانیر.

پلووون قاراسینا موطلق تورش مئیوه‌لردن قاتیلیر، فیسینجان پلوو بیشیریله‌ن‌ده ایسه پلووون قاراسینا آبقورا، سیرکه، نار یا سوماق سویو تؤکولور. علاوه اولاراق بیر چوخ پلوولارین یانین‌دا تورشو خیار، بادیمجان، ساریمساق دا وئریلیر.

پلووون ان چوخ سئویله‌ن نؤولرین‌دن اولان دؤشه‌مه‌لی پلووون رئسئپتینی تقدیم ائدیریک.

لازیم اولان ارزاقلار:

۱ کیلو گرام اوزون دویو

۲۵۰ قر اریدیلمیش کره یاغی

۱ عدد تویوق

دوز، ایستی اوت

ساریکؤک، ظفران

۳ خؤرک قاشیغی قارغی‌دالی یاغی

۱ باش سوغان

حاضرلانما قایداسی:

تویوق تمیزلنیب، یویولدوق‌دان سونرا، دوز، ایستی اوت، ساریکؤک، دوغرانمیش سوغان، قارغی‌دالی یاغی ایله باس‌دیرما ائدیلیر. دویو یویولوب بیر نئچه ساعت ایلیق دوزلو سودا ساخلانیلیر. سونرا قاینار دوزلو سودا بیشیریلیر. تام بیشمه میش، اوجاق‌دان گؤتورولوب، سوزولور. قازانین دیبینه قازماق اوزی تویوق تیکه‌لری دوزولور. اوزرینه سوزولموش دویو علاوه ائدیلیر. ساریکؤک، دملنمیش ظفران، اریدیلمیش یاغ دا گزدیریلیر. ضعیف اوددا ۱،۵ ساعت دملندیک‌دن سونرا تویوق‌لو دؤشه‌مه پلوو حاضردیر. قازانین قاپاغینی گؤتوروب، اوزرینه سینی قویولور و چئوریلیر. بو زامان قازانین دیبینه چؤکموش یاغ دا پلووون اوزرینه تؤکولور و داها دا لذت‌لی اولور.

نوش اولسون!