چاغداش گونئی آذربایجان ادبیاتینین ایستعدادلی شاعرلریندن بیری ساییلان مسعود هارایین آدی تکجه او تایلی-بو تایلی آذربایجان‌دا دئییل، تورکییه‌ده، عراق، کرکوک و دیگر تورک ائللرینده ده یاخشی تانینیر.

Kult.az خبر وئریر کی، مسعود هارای ۱۹۷۴-جو ایلده گونئی آذربایجان‌دا، خوی شهرینین یوخاری شاوانلی (شامانلی) کندینده دونیایا گؤز آچیب.

کیچیک مسعود مکتب یاشینا چاتدیغی زامان آناندیلین‌ده دئییل، اجنبی بیر دیل‌ده - فارسجا تحصیل آلماغا مجبور اولور. مؤوجود دوروما قارشی عصیانینی هایقیرماقلا پویزییا دونیاسینا ایلک آددیملارینی آتیر.

او، ۱۹۹۷-جی ایلده «هارای" آدلی بیر شئیر یازیر. همین شئیر "اومید زنجان" هفته‌لیین‌ده یئر آلیر. گنج مسعود بو شعیره گؤره حبس اولونور. بو حادثه شاعرین گنج اوریینی دریندن یارالاییر، حیاتین‌دا تاثیرائدیجی بیر ایز بوراخیر. بئله‌لیکله، "هارای" تخلصونو گؤتورمکله هله‌لیک داخیلینده‌کی عصیانینی بونونلا بیلدیریر.

ائله همین شعیردن سونرا دا شاعر مسعود هارای آدی ایله تانینماغا باشلاییر. ایلک شعیرلرینی کلاسیک شعیر قالیبلرینده - عروض وزنینین مختلیف بهرلرینده یازسا دا، گونئی آذربایجان‌دا ایلک سربست شعیر، ان کیچیک حجم‌لی - مینیمالیست مدرن شعیرلر یازانلاردان بیری اولور. بو گون امین‌لیکله دئمک اولار کی، اونون قلمه آلدیغی کیچیک حجم‌لی مدرن شعیرلرین بیر چوخو معنا یوکونون آغیرلیغینا گؤره آفوریزم درجه‌سینده، گوجونده‌دیر.

گونئی‌ده یاشادیغی دؤورده ۴ شعیر کیتابینین مؤلفی اولسا دا، ایران رژیمینین ارشاد ایداره‌سی طرفیندن هئچ بیر کیتابینا نشر حاقی وئریلمه‌ییب. اونون شعیرلری ایران، عراق، آذربایجان و تورکییه‌ده مختلیف درگیلرده، آنتولوگییا کیتابلاریندا یئر آلیب. مسعود هارایین «قورشون و شعیر» آدلی ایلک شعیرلر کیتابی ۲۰۱۹-جو ایلده آنکارادا ایشیق اوزو گؤروب.

تورکجه‌میز تمیزدیر، تایسیزدیر، قیزیم،

گون گلیر دردیمیز داغ اولور، قیزیم،

قاپقارا باختیمیز آغ اولور، قیزیم،

اینله‌یه‌ن یارامیز ساغ اولور، قیزیم.

بیز وطن نامینا اؤلمیجییز،

دوشمنین اوزونه گولمییجییز.

ال-اله وئررکه‌ن قالخاجاغیق بیز،
تاریخه قان ایله سالاجاغیق ایز،
سنینله بیرلیک‌ده اولاجاغیق بیز.

سئل کیمی، ولکان تک پاتلایاجاغیق،

داغ-دره سایمادان آتلایاجاغیق،

بو وطن، بو توپراق ناموسوموزدور،
دوشمنه وئره‌جک کابوسوموزدور،

بیز تورکوک، تورکجه‌میز قاموسوموزدور،

تورکجه‌میز تمیزدیر، تایسیزدیر، قیزیم.
تاریخ‌ده فخریمیز سای‌سیزدیر، قیزیم.

دده‌میز بابک‌دیر، آنامیز تومریس،

وطن‌سیز بیر کره گولمز اوزوموز،

ایریجه آذری، تورکجه دوزوموز.

نامردلر آنلامیر، دوشونمور، قیزیم.

تحقیردن، سیتم‌دن اوشونمور، قیزیم.

تؤکولور گؤزومدن تکر-تکر یاش.

هؤنکوروب گئجه‌لر آغلارام یاواش.

آییلسا میللتیم، باشلانیر ساواش.

بیز وطن نامینا اؤلمیجییک،

دوشمنین اوزونه گولمیجییک.