دبین آرخاسینجا گئتمکدن داها اؤنملی‌سی، اؤز اوصلوبونو یاراتماق و اونا صادق قالماقدیر.

Kult.az خبر وئریر کی، بونو مصر و آذربایجاندا بیر چوخ گؤزللیک یاریشمالاریندا منصیف قیسمین‌ده اشتراک ائتمیش گنج "فاشیون" دیزاینر، بین‌الخالق اکسپرت​ زهرا پولوخووا دئییب.

او، یای موسومونده گنج خانملارا ایستیلینی تاپماقلا باغلی اوچ اساس مصلحت وئریب.

اونون سؤزلرینه گؤره،

اؤز بده‌ن قورولوشونو تانی و قبول ائت:

"ان یاخشی ایستیل، انسانین اؤز بدنینی تانییاراق اونا یاراشانی سئچمه‌سی‌دیر. مدادا "بیر اؤلچو هامیا اویغوندور" آنلاییشی یوخدور. هانسی کسیملرین و رنگلرین سنه یاراشدیغینی تاپدیقدان سونرا آرتیق طرزین سنی ایفاده ائتمه‌یه باشلایاجاق".

الهام آل، اما کوپیالاما:

"سوسیال شبکه‌لرده و پودیوملاردا چوخ گؤزل ایستیللر گؤروروک، اما بو دئمک دئییل کی، هامی‌سی بیزه اویغون اولاجاق. الهام آلماق گؤزلدیر، اما او ایستیلین ایچینده اؤز فردیلیینی حس ائتمیرسنسه، اونو ساده‌جه گئیینمیش اولورسان. ایستیل ایسه بیر ایفاده فورماسیدیر".

اؤزونه گووه‌ن و ریسک ائتمکدن قورخما:

"هر یئنی کومبین، هر فرقلی دتال سنه اؤزونو داها یاخشی تانیماق اوچون فورصت وئریر. اؤز ایستیلینی تاپماق بیر پروسس‌دیر - زمان آلیر. اما ان واجیبی بودور: سن اؤزونو راحت و گووه‌نلی حس ائدیرسنسه، دئمه‌لی دوغرو یولداسان".

فاشیون دیزاینرین فکرینجه، ایستیل بیر تندنسیا دئییل، کاراکترین آیناسی‌دیر.