دیلیمیزده تئز-تئز ایشله‌نه‌ن «توبا» سؤزونو چوخلاری «تؤبه» کلمه‌سی ایله علاقه‌لندیریر، اونون دییشیکلییه اوغرامیش فورماسی حساب ائدیرلر. اصلینده، بو سؤزون قدیم تاریخی و حکایه‌سی وار. هم ده اسلاملا دئییل، تورکچولوکله علاقه‌لیدیر.

Kult.az «بئله یارانیب» روبریکاسیندا «توبا» سؤزو ایله باغلی ماراقلی معلوماتی دقتینیزه چاتدیریر:

قدیم تورکلرده خاقان تورک دولتینی اداره ائتمه‌یه باشلایاندا، اولجه، خالقی و تانریسی قارشی‌سیندا «آنت» ایچه‌رک سؤز وئریر، عهد ائدیردی. آنددان دؤنمک بؤیوک گناه، جنایت ساییلیر، آندینی چئینه‌یه‌ن خان تاختیندان ائندیریلیردی.

بو، سؤزون مقدس گوجوندن قایناقلانان بیر اینانج ایدی. چوواش و آلتایلیلارین میفولوگییاسیندا «آنت» سؤزونو «توبادا» کیمی ایشلدیرلر. بو سؤز مسلمانلارین «والله» سؤزو معناسیندا ایشلدیلیر. «توبا، دوغرو دئییرم» ایفاده‌سینین کؤکو ده بو «توبادا» سؤزوندن گلیر. سؤز سکیف اوجاق تانریسی تابیتینین آدی ایله علاقه‌لیدیر. سؤزون منشایی، کهنه تورکجه و مغولجا دیز چؤکمک آنلامینی وئریر.