یوخاری

طالعسیز قادین: نایله میرمممدلی

آنا صحیفه کولت
12 Punto 14 Punto 16 Punto 18 Punto

بو گون امکدار اینجه‌صنعت خادمی، بسته‌کار نایله میرمممدلینین دوغوم گونودور.

Kult.az گؤرکم‌لی بسته‌کار حاقین‌دا ماراقلی فاکتلاری تقدیم ائدیر:

نایله آغابالا قیزی میرمممدلی ۱۹۶۱-جی ایل مایین ۲۳-ده ده باکی شهرینده، «سووتسکی»ده آنادان اولوب. ۱۹۶۸-۱۹۷۹-جو ایللرده بولبول آدینا اورتا اختصاص موسیقی مکتبینده فورته‌پیانو اختصاصی اوزره تحصیل آلیب.

۱۹۸۵-جی ایلده توسی آدینا پداقوژی اونیورسیتتین‌ده تحصیل آلیب، تحصیلینی فرقله‌نمه دیپلومو ایله باشا ووروب. توفیق قولیئوین ایلک و سون طلبه‌سی اولوب.

نایله میرمممدلی بسته‌کارحکمت میرمممدلینین حیات یولداشی اولوب. اونلار هر ایکی‌سی «سووتسکی»ده یاشاییبلار، یاناشی مکتبلرده تحصیل آلیبلار. آنالاری بیر صینیف‌ده اوخویوب، آنجاق اوشاق‌لیق ایللرینده هئچ واخت راستلاشماییبلار. نایله خانمی معلملر ائوین‌ده «خیال» اینسترومنتال آنسامبلینا عسگرلیکده اولان حکمت میرمممدلینین یئرینه ایشه گؤتورورلر. عسگرلیکدن قایدان حیکمتله بیرگه ایشله‌مه‌لی اولاجاغینی دوشونن نایله خانیم ایشده‌ن چیخماق قرارینا گلیر، آنجاق حیکمت بونا راضی اولمور. یالنیز بیر کونسرتده بیرگه ایشلدیکدن سونرا او، اؤزونه باشقا ایش تاپاجاغینی دئییر. لاکین، ایش ائله گتیریر کی، اونلار محکم دوست اولورلار.

بو دوستلوق ایسه سونرادان بؤیوک محبته چئوریلیر. گونلرین بیرینده ایسه حیکمت میرممدلی نایله خانیما دئییر:

«آد گونونده بیزیمکیلر سیزه گله‌جکلر».

لاکین حیکمت عسگرلییه گئتمزدن اول آناسی و باجی‌سی اونا قوهوملاردان باشقا قیزی گؤزآلتی ائدیرلر. اونون نایله‌یه ائلچی گؤندرمه‌سی فکری عائله‌سی طرفیندن خوش قارشی‌لانمیر. حیکمت ایسه دئییر، یا ایستدییم قیزی آلاجام، یا دا اونو گؤتوروب قاچاجام.

بئله‌لیکله، عائله‌له‌لر اونلارین ائوله‌نمه‌سینه قارشی چیخمیرلار و اونلار عائله قورورلار. جوتلویون ایکی اوغلو، بیر قیزی دونیایا گلیر.

نایله میرمممدلی ۲۰۰۱-جی ایلده آتاسینی ایتیریب. ۱ ایل سونرا ایسه ۱۶ یاشلی اوغلو دنیزده بوغولوب. نایله میرمممدلی اوغلونون اؤلومونده اونون دوستلارینی گناهلاندیریردی. او، مصاحیبه‌لرینین بیرینده دئییب:

«دوستلاری هر گون اوشاغا دئییردیلر کی، آنا اوشاغی‌سان، بسدیر ائوده اوتوردون، گئدک دنیزه. آد گونونه بیر هفته قالمیشدی. اوشاقلار اونو دنیزه آپاردیلار. بو دا ثبوت ائتمک ایستییردی کی، اوشاق دئییلم. گئتدی دنیزه، بیر ده قاییتمادی».

۲۰۰۲-جی ایلده ۱۶ یاشلی اوغلو سید حسینین دوستلاری ایله دنیزده چیمرکن بوغولماسی خبری عائله‌دن ایلک اولاراق حیکمت معلمه وئریلیر. او، نایله خانیما هئچ نه دئمه‌دن حادثه یئرینه گئدیر. اوغلونون اؤلومونه ایناناندان سونرا ائله حادثه یئرینده اینفارکت کئچیریر.

اوغلونون اؤلوموندن سونرا عائله‌ده داها بیر اوغلان اوشاغی - میرعلی‌اکبر دوغولور.

نایله میرمممدلینین بسته‌لدیی ماهنیلارین ایچریسینده «درد وئردین» ماهنی‌سی بئش ایل اونون سیییرمه‌سینده (کشودا) قالیب. اوغلو رحمته گئدندن سونرا همین ماهنینی متانت ایسگندرلی ایفا ائدیب. او، ماهنینی او قدر یانغی‌لی ایفا ائدیر کی، هر کس ائله بیلیر، بسته‌کار بو ماهنینی اوغلونون اؤلومونه یازیب.

۲۰۰۷-جی ایل مایین ۲۳-ده نایله میرمممدلینین آد گونو ایدی. عائله هم امکدار اینجه‌صنعت خادمی آدینین آلینماسی، هم ده آد گونو مناسیبتی ایله مجلیس تشکیل ائتمک قرارینا گلیر. آنجاق ایش ائله گتیریر کی، مایین ۲۲-ده دوستلاردان بیرینین آد گونونده اولان حیکمت میرممدلی نوبتی دفعه انفارکت کئچیریر و نایله خانیمین قوللاری اوست‌ده دونیاسینی دییشیر.

نایله میرممدلی ۲۰۲۱-جی ایل یانوارین ۴-ده اورک توتماسیندان دونیاسینی دییشیب. او، «قورد قاپی‌سی» مزارلیغیندا دفن اولونوب.

تاریخ
2024.05.23 / 12:55
مولف
اسماعیلووا سوزاننا
شرح لر
دیگر خبرلر

علیمرادی: تیکاب شهرینین تاریخی «سوغورلوق» عابده‌سی محو ائدیلیر

شرقین ایلک هیکل‌تراش قادینی:زیور مممدووا

گوگوش حاقین‌دا فیلم چکیلیر - ویدئو

"عمی اوغلو و عمی قیزینین نیکاحی گؤیده کسیلیب؟" – بئله یارانیب

«آخیلس دابانی» نه دئمک‌دیر - بئله یارانیب

۱۰۰۳ خوجالی اسیرینی خلاص ائد‌ن شهیدیمیز: آللاهوئردی باقروو

عوض اولونماز سؤز استادی - اؤزدمیر آصف

«دیوارین دا قولاغی وار»- بو ایفاده نئجه یارانیب؟

"قاراباغ شیکسته‌سی" روک ژانریندا ایفا اولوندو – ویدئو

صحنه‌میزین تکرارسیز "کلئوپاترا"سی: حکومه قربانووا

خبر خطّی
Axar.az'da reklam Bağla
Reklam
Bize yazin Bağla