یوخاری

بو گون خالق یازیچی‌سی اسماعیل شیخلی ‌ین آنیم گونودور

آنا صحیفه کولت
12 Punto 14 Punto 16 Punto 18 Punto

بو گون خالق یازی‌چی‌سی ایسماییل شیخلینین وفاتین‌دان ۲۹ ایل اؤتور.

Kut.az خبر وئریر کی، ایسماییل شیخ‌لی ۱۹۱۹-جو ایل مارتین ۲۲-ده قازاخین ایکینجی شیخ‌لی کندین‌ده معلم عائله‌سین‌ده آنادان اولوب.

کوسالار کندین‌ده ایبتی‌دای مکتبی بیتیریب، قازاخ پئداقوژی مکتبین‌ده، داها سونرا ایسه آذربایجان پئداقوژی اینستیتوتونون دیل و ادبیات فاکولته‌سین‌ده تحصیل آلیب.
آذربایجان پئداقوژی اینستیتوتونون فیلولوگییا فاکولته‌سین‌ده آسپیرانت ، معلم، باش معلم اولموش، خاریجی اؤلکه‌لر ادبیاتی کافئدراسینین مودیری، بیر مدت آذربایجان یازی‌چیلار اتفاقینین کاتیبی کیمی چالیشیب.

"آذربایجان" ژورنالین‌دا باش رئداکتور ، آذربایجان یازی‌چیلار اتفاقینین بیرینجی کاتیبی، سسری یازی‌چیلار اتفاقینین کاتیبی اولوب. داها سونرا آذربایجان یازی‌چیلار اتفاقینین صدری و آذربایجان یازی‌چیلار بیرلیینین آغساققاللار شوراسینین صدری سئچیلیب.

ایلک متبو اثری "قوشلار" شئیری ۱۹۳۸-جی ایلده "ادبیات" قزئتین‌ده درج اولونوب.

اسماییل شیخلی شعیرده لؤوبر سالمادان نثره یول آلدی. «کونسرو قوتولاری»، «حکیمین ناغیلی»، «سحری گؤزله‌ییردیک»، «کرچ سولاریندا»، «هارالیسان، آی اوغلان؟»، «رایکوم کاتیبی»، «داشکسن» اوچئرکلرینی، «آیریلان یوللار»، «دلی کور»، «اؤلن دنیام» رومانلارینی یازدی. او، نثرین آستاناسیندان ایچری داخیل اولدوقدان سونرا اؤزونو تاپدی و یارادیجیلیق پتنسیالینی بورادا گؤستره بیلدی. اؤزونون سونرالار دئدیی کیمی، «آیریلان یوللار» کیمی اثر یازماسی آذربایجان نثرینین اوغورو ایدی. اسماییل شیخلی واختیله وئردیی مصاحیبه‌لرین بیرینده دئییردی: «آیریلان یوللار» شخصیته پرستیشی ایلکین قامچیلامیش، شعارچیلیق‌دان، بوش های-کویدن اوزاق ایلک آذربایجان رومانی‌نین و «یانار اورک»، «بؤیوک دایاق»، «قارا داشلار» کیمی رومانلارین یاخشی معنادا اؤرنه‌یی، سلفی‌دیر».

«آیریلان یوللار» رومانی نثر ساحه‌سینده اسماییل شیخلی‌نین اؤزونه اولان اینامینی آرتیردی. همین اینام، اوغور اونو «دلی کور»ه گتیردی.

اونون یارادیجیلیغیندا ترجومه ادبیاتی دا مهم یئر توتوردو. او، ۱۹-جو عصر فرانسیز ادبیاتی‌نین مشهور رئالیست یازیچیسی گی ده موپاسانین، تورکییه‌لی یازیچی عزیز نسی‌نین "تاختالی‌کؤیدن مکتوبلار" سرلؤوحه‌‌لی ساتیریک حکایه‌لرینی ایلک دفعه ۱۹۸۰-جی ایللرده ترجومه ائد‌رک آذربایجانلی اوخوجویا تقدیم ائتمیشدی.

"قیزیل اولدوز"، "شرف نیشانی"، "قیرمیزی امک بایراغی"، ۲-جی درجه‌لی "بؤیوک وطن محاربه‌سی" اوردئنلری و مئداللارین، آذربایجان س.س.ر عالی سووئتی‌نین فخری فرمانی‌نین و آذربایجان رسپوبلیکاسی‌نین "شهرت" اوردئنی‌نین صاحبی خالق یازیچی‌سی ۱۹۹۵-جی ایل ایولون ۲۶-دا باکیدا وفات ائدیب و فخری خیاباندا دفن اولونوب.

تاریخ
2024.07.26 / 12:17
مولف
ایسماییلووا سوزاننا
دیگر خبرلر

شاه اسماعیل ختایی‌نین ۱۵۰۸-جی ایله عاید فرمانی تقدیم ائدیلدی

گونئی‌لی رژیسور "قیزیل پرتقال" مکافاتی آلدی

مممد آراز - بو دا بئله بیر عؤموردو، یاشادیم.

امیر حسین تتلو-ا ۱۰ ایل حبس جزاسی وئریلدی

اینسانلار هان‌سی ماهنینین صدالاری آلتین‌دا اؤلمیی اوستون توتورلار؟ - سورغو

آذربایجان‌لی رژیسورون فیمی بین‌الخالق مکافات قازاندی

۱۱ اوکتیابر- بین‌الخالق قیزلار گونو

آذربایجان لیمادا کئچیریله‌ن سرگی‌ده تمثیل اولوندو

«سو اویویار، دوشمن اویوماز» نه دئمکدیر؟- بئله یارانیب

تبریزده تاریخی علم مرکزی آیاققابی آنبارینا چئوریلیب

خبر خطّی
Axar.az'da reklam Bağla
Reklam
Bize yazin Bağla