غربی آذربایجان ایالتینین مرکزی اورمیا شهرینده آوگوستون سونوندا بین‌الخالق آشیقلار کنفرانسی کئچیریله‌جک.

Kult.az خبر وئریر کی، بو باره‌ده غربی آذربایجان مدنیت و ارشاد اداره‌سینین باشچی‌سی علیرضا نوروزی معلومات وئریب.

"کنفرانس‌دا چین، عراق، تورکیه، آذربایجان، قزاخیستان و دیگر اورتا آسیا اؤلکه‌لریندن، همچینین خراسان، گلستان، فارس ایالتلری، تورک بؤلگه‌لری و اؤلکه‌نین مرکزین‌دن ۴۵۰ آشیق اشتراک ائد‌جک"،- نوروزی بیلدیریب.

او، کنفرانسین کئچیریلمه‌سیندن مقصدین آشیق مدنیتینی و صنعتینی بین‌الخالق سویه‌ده تانیتماق اولدوغونو و بونون مختلف ائتنیک گروپلار آراسیندا مدنی علاقه‌لرین گوجلندیریلمه‌سینه کمک ائدجیینی دئییب.

نوروزی‌نین سؤزلرینه گؤره، ایون آیین‌دا دا ایالتین آشیق موسیقی فستیوالینین کئچیریلمه‌سی پلانلاشدیریلیر و فستیوال‌دا غربی آذربایجان آشیقلاری چیخیش ائد‌جک.