فرانسا پروکورورلوغو تیکتوک سوسیال شبکه‌سینین اوشاقلارین پسیخی ساغلاملیغینی قوروماق‌دا لاقیدلیک گؤسترمه‌سی ایله باغلی استنطاق باشلادیب.

Axar.az خبر وئریر کی، بو باره‌ده «پولیتیکو» نشری معلومات یاییب.

معلوماتا گؤره، بو، سوسیال شبکه‌لرده آزیاشلیلارین قورونماسی مسئله‌سی اوزره فرانسادا ایلک بئله جنایت ایشی‌دیر. استنطاق فرانسانین سوسیالیست ملت وکیلی آرتور دلاپورتون رهبرلیک ائتدیی پارلامنت آراشدیرماسینین نتیجه‌لریندن سونرا باشلانیب. دلاپورت سنتیابرین ۱۱-ده آراشدیرمانین حساباتینی تقدیم ائدیب.

«کومیسیامیزین مشاهده‌لری گؤستریر کی، تیکتوکون الگوریتمی جمعی بیر نئچه قارشی‌لیقلی علاقه‌دن سونرا استفاده‌چیلری ضررلی، ناراحات‌لیق یارادان و دپرسیو مضمونلارا یؤنلندیریر»، - او بیلدیریب.

قید ائدیلیر کی، پاریس پلیسینین کیبرجنایتکارلیق بؤلمه‌سی اوکتیابرین سونون‌دا رسمی استنطاقا استارت وئریب.