روسییا گئجه بویو اوکراینایا درونلار و بالستیک راکتلرله هجوم ائد‌رک کیوده و اطراف بؤلگه‌ده خسارتلره و داغینتیلارا سبب اولوب.

Axar.az خبر وئریر کی، بو باره‌ده اوکراینا مئدیاسی یازیب.

بیلدییرلیب کی، کیو شهرینه هجوم نتیجه‌سینده ۲۲ نفر خسارت آلیب. یارالیلار آراسیندا ایکی اوشاق وار.

شهرین بیر نئچه رایونوندا داغینتیلار قیده آلینیب، یاشاییش بینالاریندا و ملکی اوبیئکتلرده یانغینلار باش وئریب.

کیو مری ویتالی کلیچکونون وئردیی معلوماتا گؤره، هجوم‌دان سونرا پایتختین تخمیناً اوچده بیرینین ایستیلیک تجهیزاتی کسیلیب، سول ساحلین بعضی اراضیلرینده الکتریک انرژی‌سینین وئریلیشی دایاندیریلیب.

کیو ویلایتینده ایسه هجوم نتیجه‌سینده بیر قادین هلاک اولوب، بیر نئچه نفر آغیر وضعیت‌ده خسته‌خانایا یئرله‌شدیریلیب. حادثه ایله باغلی خلاص‌ائتمه ایشلری داوام ائتدیریلیر.