تورکییه‌نین جمهوریت خالق پارتییاسینین (ج‌ح‌پ) صدری اؤزگور اؤزل سوسیال مئدیادا تورکییه پرزیدنتی رجب طاییب اردوغانی هدف آلان یونان ژورنالیسته سرت رئاکسییا وئریب.

Axar.az خبر وئریر کی، بو باره‌ده او، پارتییاسینین توپلانتی‌سینداکی چیخیشیندا دانیشیب.

«کناردان بیری گلیب مادورونون قاچیریلماسینین فوتوسونو صنعی اینتئللئکت واسطه‌سیله اردوغانلا حاضرلاییب. یونانیستانین اؤزونو و حدینی بیلمه‌ین بیر ژورنالیست ایسه بو فوتودان استفاده ائد‌رک، «اردوغانی دا بئله آپاراجاقلار» یازیب.

بورادا دایان! اگر کیمسه نه‌اینکی تورکییه پرزیدنتینی، حتی بیر وطنداشی بئله پرزیدنت سارایینین قارشی‌سیندان گؤتورمه‌یه جسارت ائدرسه، قارشی‌سیندا بیزی گؤره‌جک»، - اؤزل قید ائدیب.