یاخین گله‌جک‌ده روسیادا میقراسیا سیاستینین تکمیللشدیریلمه‌سینه یؤنلمیش قانون لایحه‌لری پارلامنته تقدیم اولوناجاق.

Axar.az خبر وئریر کی، بونو روسیا دولت دوماسینین ایسپیکری ویاچسلاو وولودین دئییب.

قید ائدک کی، یئنی تکلیفلره اساساً، اؤلکه‌یه اوچ آیدان چوخ مدته گلن بوتون اجنبیلر اوچون مجبوری طبی معایینه مدتی ۹۰ گوندن ۳۰ گونه ائندیریله‌جک. طب موسسه‌لری معایینه‌لرین نتیجه‌لری باره‌ده درحال داخلی ایشلر ناظرلیینه و آشکار ائدیلمیش هر هانسی یولوخوجو خسته‌لیکلر باره‌ده «روسپوتربنادزور»آ معلومات وئرمه‌لیدیر کی، بو دا قایدا پوزانلارین دئورتاسیاسی دا داخل اولماقلا، تعجیلی تدبیرلرین گؤرولمه‌سینه امکان وئره‌جک. بوندان علاوه، قانون لاییحه‌لری طبی معایینه‌دن یایینمایا گؤره انضباطی مسئولیتی، او جمله‌دن جریمه‌لری و محکمه قراری ایله دپورتاسیا احتمالینی نظرده توتور.

طبی سندلرین ساختالاشدیریلماسی و اونلارین دورییه‌سینه گؤره سرت جنایت مسئولیتینین تطبیقی ده مذاکره اولونور.