آمریکا سیاستین‌ده حاکمیت - آغ ائو هر هانسی جدی سیاسی آددیم آتمامیشدان قاباق اجتماعیتی بونا حاضرلاییر.

Axar.az خبر وئریر کی. بو سؤزلری پولیتولوگ کامران جفروو ایران اطرافیندا باش وئره‌ن پروسسلرله باغلی قید ائدیب.

او، بونا مثال اولاراق ونزوئلادا عملیات‌دان اؤنجه داخلی و خاریجی اجتماعی رای‌ین فورمالاشماسی اوچون آپاریلان تبلیغاتی گؤستریب:

«سناتور لیندسی گرهم یازیر: «آیتوللاهلار، آنلامالیسینیز، اگر داها یاخشی حیات طلب ائد‌ن خالقینیزی اؤلدورمه‌یه داوام ائتسه‌نیز، دونالد ترامپ سیزی اؤلدوره‌جک. ایران‌دا دییشیک‌لیکلر یاخینلاشیر. بو، یاخین شرق تاریخین‌ده ان بؤیوک دییشیک‌لیک اولاجاق، ناسیست رژیم دئوریله‌جک. ایران خالقی، یاردیم آرتیق یول‌دادیر».

بیلیریک کی، ترامپ و اونون کمانداسی دیپلماتیک ائتیکادان اوزاقدیر، اما حتی اونلار اوچون ده ریتوریکادا رادیکاللیغین قیرمیزی خطلری وار. سناتور گرهم ایسه بو گون آغ ائوین آچیق دئیه بیلمدیی ان رادیکال فکرلرین روپورو رولونو اویناییر و صحبت تکجه گرم‌دن گئتمیر، رسپوبلیکاچیلار (قزئتلر، سیاست‌چیلر، شرح‌چیلر و س) اجتماعیتی آمریکانین ایران ملا رژیمینه قارشی حربی عملیاتلارا حاضرلاییر، بو دانیلمازدیر و بونو گؤرمه‌مک ممکن دئییل.

۲۲ ایون ۲۰۲۵-جی ایلده آمریکا ایرانین فردو، نطنز و اصفهان نووه اوبیکتلرینه ضربه ائندیره‌ن‌دن اؤنجه رسپوبلیکاچیلارین ایرانا قارشی گئدن تبلیغاتینین گوجو و آقرسیولییی بوگونکو تبلیغاتین گوجونون هئچ ۳۰%-ده تشکیل ائتمیردی. گؤرونور، بؤیوک فیرتینا یاخینلاشیر».