آمریکا قورو قوشونلارینین قرارگاه رئیسی، گنرال رندی جورج استعفا وئریب.

Axar.az خبر وئریر کی، بو باره‌ده آمریکا حربی ناظرینین اجتماعیتله علاقه‌لر اوزره کمکچی‌سی شون پارنل معلومات یاییب.

«رندی جورج آمریکا قورو قوشونلارینین ۴۱-جی قرارگاه رئیسی وظیفه‌سیندن آیریلیر»، - پارنل بیلدیریب.

اونون سؤزلرینه گؤره، گنرال حربی خدمت‌دن تقاعده چیخیر.

«واشینگتن پوست» قزئتی ده منبع‌لره استنادلا یازیب کی، پنتاگون رهبری پیت هقست آمریکا اوردوسونون داها ایکی یوکسک وظیفه‌لی کوماندیرینی ایشده‌ن چیخاریب.

قزئتین وئردیی معلوماتا گؤره، آمریکا اوردوسونون ترانسفورماسیا و تعلیم کوماندانلیغینین رئیسی گنرال دیوید هودن و اوردو کاپللانلاری کورپوسونون رئیسی گنرال-مایور اویلیام قرین وظیفه‌لریندن آزاد ائدیلیبلر.

قید ائدک کی، آمریکا حربی ناظری پیت هقست باش قرارگاه رئیسی گنرال رندی جورجون استعفا وئرمه‌سینی ده ایستمیشدی.