چین صدری سی سزین‌پین‌له آمریکا پرزیدنتی دونالد ترامپ آراسین‌دا گؤروش باشلاییب.

Axar.az خبر وئریر کی، بو باره‌ده چینین مرکزی تلویزیاسی معلومات یاییب.

بیلدیریلیب کی، ایکی لیدر پکین‌ده‌کی خالق ییغین‌جاقلاری زالیندا ایکی‌طرفلی و بین‌الخالق مسئله‌لری مذاکره ائتمه‌یه باشلاییبلار.

داها اول سی سزینپین و ترامپ تیانانمئن میدانی یاخینلیغینداکی خالق ییغین‌جاقلاری زالینین شرق قاپی‌سین‌دا کئچیریلن قارشیلانما مراسیمینده اشتراک ائدیبلر.

آمریکا پرزیدنتینین آوتوموبیل کاروانی چانیانسز کوچه‌سی بویونجا گلیب، سونرا اورادا اونو چین صدری قارشیلاییب. ایکی لیدر ال سیخیب قیسا سالاملاشیبلار.

مراسیم زمانی حربی اورکستر هر ایکی اؤلکه‌نین دولت هیمنلرینی سسلندیریب، بوندان سونرا لیدرلر فخری قاروولون باخیشیندا اشتراک ائدیبلر.