اؤتن گون ارمنستان باش ناظری نیکول پاشینیانلا روسیا لیدری ولادیمیر پوتین آراسیندا باش توتان تلفن دانیشیغی ارمنستان‌دا ۷ ایوندا کئچیریلن پارلامنت سئچکیلریندن سونرا ایلک دانیشیق ایدی.

Axar.az خبر وئریر کی، تلفن دانیشیغی ایله باغلی هم ارمنستان حکومتی، هم ده کرملین رسمی آچیقلاما یاییب. هر ایکی آچیقلامادا پوتینین پاشینیانی غلبه‌سی مناسبتی ایله تبریک ائتدیی حاق‌دا هئچ بیر سؤز یوخدور.

عمومیتله، سئچکیدن سونرا پوتین پاشینیانا تبریک مکتوبو دا گؤندرممیشدی.

«بو، پوتینین پاشینیانی پارلامنت سئچکیلرینده‌کی غلبه‌سی مناسبتیله تبریک ائتمدیینین نوبتی ثبوتودور. دولتلرآراسی مناسبتلر پراکتیکاسیندا بو جور سس‌سیزلیک نادر حاللاردا تصادفی اولور و بیر قایدا اولاراق سیاسی مساژ داشییر»، - ارمنی پولیتولوگ سورن سورنیانتس بو باره‌ده بیلدیریب.