دونن سوریه ده تورکییه حربی چیلرینه هوجوم تشکیل ائدن دویوش طیاره سی ایله باغلی فاکت اورتایا چیخیب.

آخار.آذ خبر 7- یه ایستینادا معلومات وئریر کی، حادثه نین آمئریکا طرفیندن توردیلدییی تخمین ائدیلیر.

واشینگتن 24 نیابر 2015-جی ایلده باش وئرن سو-24 بحرانینین ایل دونومونده آنکارا ایله مسکوا آراسیندا نیفاق سالماق اوچون اینینیلماز یولا ال آتیب.

معلوماتا گوره آمئریکایا مخصوص اف 18 تیپلی قیریجی روسیه دویوش طیاره سینه بنزمه سی اوچون بویانیب و تورکیه حربیچیلرینین یئرلشدییی بولگه یه هاوا ضربه لری ائندیریب. بونونلا دا آمئریکا تورکیه نی حادثه نین روسیه طرفیندن سو 24 بحرانینین قصاصینین آلینماسی مقصدی ایله توردیلدیینه اینیندیرماق ایستییب.

قید ائدک کی بو تجربه سوریه ده بیر نئچه دفعه سینانیب.

بو ایلین اکتیابریندا کریستیان بوریس آدلی ژورنالیست آمئریکا دویوش طیاره لرینین بویاناراق سوریه یه گوندریلدییینی اورتایا چیخاریب. اونون پایلاشدیغی فوتو شکیلده اف 18 قیریجیسینین ماوی رنگده بویاندیغی، اوزرینه ایسه کئچمسش سوئت ایتتیفاقینین قیرمیزی اولدوزو وورولدوغو عکس اولونوب. بو یوللا آمئریکا طیاره سینی روسیه نین سو 34 قیریجیسی نا بنزتمه یی باجاریبلار.

اوتن ایللر عرضینده سوزو گئدن "روسیه قیریجیلاری" سوریه ده خیلی ستراتژی منطقه نی بمباردمان ائدیب. رسمی واشینگتن دا آچیقلامالار وئره رک هجوملاری "پیسلییب" و روسیه نی آویا ضربه لری "دایاندیرماغا" چاغیریب.

خاطیرلاداق کی، "فرات قالخانی" عملییاتلاری چرچیوسینده سوریه یه گوندریلن تورکیه حربی چیلری دونن هاوا هجومونا معروض قالمیشدی. حادیثه زامانی 3 تورک حربی چی سی هلاک اولوب.