قاراباغدا یئنی توققوشمالار باشلایا بیلر.

آخار. آذ خبر وئریر کی، بونو ارمنیستانین «۱ین.آم» سایتینا مصاحیبه‌سینده روسییالی حربی اکسپرت پاول فلگنهاور سؤیله‌ییب.

«قاراباغدا حربی فعالیتلر متمادی قایدادا اولور. شبهه‌سیز کی، کونفلیکتین اسکالاسییاسی ممکوندور. یئنی محاربه احتیمالی وار، اما اونون نه واخت باش وئرجیینی دئیه بیلمرم. منجه، کونفلیکتین اسکالاسییاسی قاچیلمازدیر. اونا گؤره کی، طرفلر آراسیندا جدی دانیشیقلار آپاریلمیر، طرفلرین مؤوقعیی اوست-اوسته دوشمور. یکون نتیجه‌ده قاراباغ جبهه‌سی، حتی ارمنیستان-آذربایجان سرحدینده ده یئنی توققوشمالار اولا بیلر. طرفلر حربی باخیمدان بونا حاضیرلاشیرلار. اول-آخیر توققوشما اولاجاق. اونا گؤره کی، سیاسی پروسئس یوخدور.

هر ایکی طرف یئنی سلاحلار آلیر. اوسته‌لیک، هر ایکی طرف معین معنادا دؤرد گونلوک محاربه‌نین نتیجه‌سیندن راضی دئییل. آذربایجان ایجتیمایتینده داها چوخ مؤقعلری اله کئچیرمک طلبی وار، ارمنی ایجتیمایتی ایسه هئچ اولماسا، آپرلده ایتیریلمیش مؤقعلری گئری قایتارماق ایستییر».

او، روسییانین قاراباغدا یئنی کونفلیکت آرزولامادیغینی سؤیله‌ییب:

«قاراباغ کونفلیکتینده اسکالاسییا مسکوایا گرک دئییل. دیگر طرفدن ایسه کرملین دقته آلاجاغی باشقا قایغیلاری وار. او، بو مسئله‌یه جدی توققوشمالار اولانا قدر دقت آییرمیر. اگر یئنیدن توققوشمالار اولسا، مسکوا طرفلره آپرئل‌ده‌کی کیمی تضییقلر ائد‌جک و اونلاری حربی عملیاتلاری دایاندیرماغا مجبور ائد‌جک.

قاراباغ کونفلیکتی روسییا اوچون معین تهدید یارادیر، اما بو، هله‌لیک اساس تهدید دئمک دئییل. آرتیق تام باشقا تهدیدلر مؤجودور. بو کونفلیکت ایروان و باکی اوچون پریوریتتدیر، اما مسکوا اوچون یوخ. روسییایا حاضردا اورادا محاربه لازیم دئییل. پرینسیپجه، روسییا هم ایروان، هم ده باکی ایله یاخین علاقه‌لره صاحب اولماق، زاقافقازییادا اؤزونون سووئت دؤورونده‌کی دومینانتلیغینی برپا ائتمک ایستیر. روسییا حاضردا طرفلر آراسیندا بالانسی ساخلاماغا چالیشیر کی، بو دا اؤز نؤوبه‌سینده ایرواندا چوخلارینین خوشونا گلمیر. اونا گؤره کی، ارمنیستان روسییانین متفیقیدیر. اما هر ایکی اؤلکه روسییایا لازیمدیر».