آمریکا آرکتیکا بؤلگه‌سینده نفوذونو ایتیرمه ریسکی ایله اوزلشدیی واخت روسییا اورادا حربی وارلیغینی و صنایع پوتئنسیالینی سرعتلی شکیلده آرتیردی.

آخار. آذ خبر وئریر کی، بونو آمریکا ساحل تهلوکسیزلیک کوماندانی، آدمیرال پاول زوکونفت دئییب.

او بیلدیریب کی، آمریکانین تکنیکی ایمکانلاری شیمال بؤلگه‌لرین اصلاحینا ایمکان وئرمیر:

«روسییا دونانماسیندا بوزقیران ۴۰ گمی اولدوغو حالدا، بیزده جمعی‌سی ۲-دیر. آرکتیکا بؤلگه‌سینده ماراغی اولان اؤلکه‌لرین روسییایا چاتماق اوچون اوزون زامانا احتیاجی وار. لاکین مسکوا همین رگیوندا گئوپولیتیک رقیبلری ایله مباریزه آپارماق اوچون دئییل، اقتصادی منافعیی اوچون وارلیغینی آرتیریر».

آدمیرال اونو علاوه ائدیب کی، آرکتیکادا بوزلاقلارین اریمه‌سی معدن چالیشمالاری اوچون الوئریشلی شرایط یارادیر:

«حاضردا بوتون فیقورلار شاه مات تاختاسیندادیر. لاکین بیزیم یالنیز پیادامیز و توپوموز وار. اگر آرکتیکانی شاه مات اویونو ایله موقایی‌سه ائتسک، روسلارین بیزه شاه وئریب مات ائتدیکلرینی گؤرریک».