ایران پارلامنتینین صدری علی لاریجانی آمریکا و سعودییه عربیستانینا قارشی سرت بیاناتلار سسلندیریب.

آخار. آذ خبر وئریر کی، آمریکا پرزیدنتی دونالد ترامپین سعودییه عربیستانینا سفرینه و ریاضدا تروریزمه قارشی مباریزه مرکزینین آچیلیشینا توخونان لاریجانی سعودییه‌نی تروریزمین اساس بشیی آدلاندیریب.

«آمریکالیلار ریاضی تروریزمه قارشی مباریزه مرکزی آدلاندیردیلار. دوز ده ائلدیلر، چونکی تروریزمین ایخراج اولوندوغو یئر ده اورادیر. جناب ترامپ سئچکی کامپانییاسی آپاراندا آمریکانین آغیر اقتصادی پروبلملرینه توخوناراق دئمیشدی کی، او، سئچکیلرده غالیب گلسه، اؤلکه‌نین اینفراستروکتورونو یئنی‌دن برپا ائد‌جک. اکسپرتلر ده فیکیرلشیردیلر کی، گؤره‌سن، ترامپ بونون بودجه‌سینی هاردان تعمین ائد‌جک. ایندی بل‌لی اولور کی، بو بودجه مسلمان سعودییه اهالیسینین میللی ثروتینه قارشی ائدیلن اوغورلوقلا تعمین ائدیلیر.

جناب ترامپ، سیز آمئریکا اقتصادیاتینی دیرچلدیب اینکیشاف ائتدیرمک اوچون سعودییه حکومتیندن آلدیغینیز ۵۰۰ میلیارد دوللاری وئرین رئگیون اؤلکه‌لرینین اینکیشافینا صرف اولونسون و همین اؤلکه‌لرین گنجلری گئدیب ترورچو قروپلارین تله‌سینه دوشمه‌سینلر»، - لاریجانی بیلدیریب.

خاطیرلاداق کی، مایین ۲۱-ده سعودییه عربیستانینا سفر ائد‌ن دونالد ترامپ ۵۵ مسلمان اؤلکه‌سینین لیدرلرینین ایشتیراکی ایله الیاضدا کئچیریلن کنفرانسدا چیخیش ائد‌رک، ایرانین بین الخالق تروریزمه دستییندن دانیشیب. سعودییه عربیستانینین کرالی سلمان بین عبدولعزیز ال-سعود ایسه همین کنفرانسدا ایرانی دونیا تروریزمینه رهبرلیک‌ده گناهلاندیریب.