مرکزی کشفیات ایداره‌سینین خصوصی تعلیم گؤرموش عملیات دسته‌سی مخفی عملیات کئچیرمک اوچون آنکارایا گلیب.

آخار. آذ خبر وئریر کی، بو باره‌ده تورکییه حاکمیتینه یاخین «تقویم» قزئتینین باش رداکتورو ارگون دیلر کؤشه یازیسی یازیب.

دیلرین سؤزلرینه گؤره، خصوصی دسته آنکارادا تخریبات تؤرتمک اوچون حاضر وضعیتده امر گؤزله‌ییب. گلن امر ایسه اونلاری تعجوبلندیریب. عملیات تاخیره سالینیب و دسته‌نین سورییایا کئچه‌رک اوراداکی آمریکا حربی بازاسینا سیغینماسی امر ائدیلیب.

«بو یاخینلاردا سی آی ای خصوصی تعلیم کئچدیی بیر دسته‌نی تورکییه‌یه گؤندردی. طبیعی کی، سیاحت مقصدی ایله دئییل، کیرلی پلانلاری حیاتا کئچیرمک اوچون. بو دسته آنکارادا چوخ موهوم بیر یئرده قرارلاشدی. هدفلری نه ایدی، نه ائتمک ایستییردیلر، رزونانس دوغوراجاق هانسی آددیمی آتماغی هدفلمیشدیلر، اؤیره‌نه بیلمدیم. چوخ واجیب بیر آددیم آتماق اوچون گلدیکلرینی بیلیرم. بو قاریشیقلیقلارا باخمایاراق، بونو ائد‌جک عقللاری و گوجلری وار»، - ارگون دیلر یازیب.

ارگون دیلر خصوصی عملیات دسته‌سینین تورکییه‌نی ترک ائدرکن بورادا علاقه‌ده اولدوغو شخصلره اؤلکه‌نی ترک ائتدیکلری باره‌ده گیزلی معلومات اؤتوردویونو ده بیلدیریب. رئداکتور بونون داها چوخ گوج نماییشی اولا بیلجیینه دقت چکیب.