آمریکا ارمنیلری میللی کمیته‌سی (آنکا) موخالیفت لیدری نیکول پاشینیانین باش ناظر سئچیلمه‌سیندن درحال سونرا واشینگتندان کؤمک ایسته‌ییب.

پوبلیکا. آذ ارمنی مطبوعاتینا ایستینادا خبر وئریر کی، آنکا آمریکانین دؤولت کاتیبی مایک پومپئونو ارمنیستانا ۱۴۰ میلیون دوللار قرانتینین وئریلمه‌سینه کؤمک ائتمه‌یه چاغیریب.

«ایندی حرکت ائتمه یین اصل واختی‌دیر. «مینیللیین چاغیریشلاری» کورپوراسییاسی ارمنیستانین دموکراتیک اینکیشافیندا، آمئریکا و ارمنیستانین موناسیبتلرینین یئنی فصلینده مرکزی رولو اوینایا بیلر. بیز سیزی درحال «مینیللیین چاغیریشلاری»نین یئنی پاکئتینین موذاکیره‌سینه تشببوس ائتمه‌یه چاغیریریق»، - آنکا-نین صدری راففی خامپاریانین پومپئو آدینا گؤندردیی مکتوب‌دا دئییلیر.

مکتوب‌دا قئید ائدیلیر کی، قرانت اؤلکه‌نین دؤولت مکتبلرینده علم، اینفورماسییا تکولوگییالاری، اینجه صنعت و ریاضیات ساحه‌سینده پروگراملارین رئاللاشدیریلماسینا یؤنلدیله‌جک.

ارمنیستان اوللر "مین ایللیین چاغیریشلاری» کورپوراسییاسینین ایشتیراکچیسی سیراسیندا ایدی. لاکین ۲۰۰۸-جی ایل مارت قتل عامیندان سونرا آمئریکا بو پروگرامین مالیلشدیریلمه‌سینی دایاندیردی. سون ایللر آمئریکا کونگرسمئنلری آکتیو شکیلده بو پروگرامی لوببیلشدیرمه‌یه چالیشیرلار. کونقرسمئن آدام شیفف و ارمنی میللی کومیته‌سی (آنجا) پروگرامین برپاسی ایستیقامتینده فعاللیق گؤستریرلر.

بو ایلین مارتیندا ایسه ارمنیستان-آمئریکا پارلامنت دوستلوق قروپونون عضولری بیرلشمیش ایشتاتلاردا سفرده اولوبلار. نماینده هئیتی آمئریکا کونگرسینین ارمنیستان مسئله‌لری اوزره کومیسییاسینین نماینده‌لری ایله گؤروشوب. گؤروش زامانی «مین ایللیین چاغیریشلاری» کورپوراسییاسی ایله ارمنیستانلا امکداشلیق پرسپکتیولری موذاکیره ائدیلیب.

قید ائدک کی، موخالیفت لیدری، ارمنیستان‌دا اعتراض آکسییالارینین باشچیسی نیکول پاشینیان مایین ۸-ده ارمنیستان پارلامنتینده کئچیریلن سس وئرمه ایله باش نازی سئچیلیب. ارمنی دیاسپورو آپرئلین ۱۳-دن سئرژ سرکیسیان رژیمینه قارشی کئچیریلن آکسییالاردا موخالیفتی دستکله‌ییب. روسییادا بیر سیرا اکسپرتلر و سیاسیلر بو فیکیرده‌دیر کی، دینج حاکمیت چئوریلیشی آمئریکا، او جمله‌دن ارمنی دیاسپورو طرفیندن دستکلنیب.

پاشینیان اؤلکه اقتصادیاتینی آیاغا قالدیراجاغینا سؤز وئریب. و ارمنی دیاسپورونون اونون سئچیلمه‌سیندن درحال سونرا آمئریکا حاکمیتینه پول اوچون مراجعت ائتمه‌سی ایسه حاکمیت چئوریلیشینین آرخاسیندا اوکئانین او تایینداکی دایره‌لرین، او جمله‌دن آمئریکاداکی ارمنی دیاسپورونون دایاندیغینا دایر فیکیرلره حاق قازاندیریر.