بو گون ونزوئلادا پرزیدنت سئچکی‌سی کئچیریلیر.

آخار. آذ خبر وئریر کی، اؤلکه نؤوبتی ۶ ایل اوچون پرزیدنتینی و سیاسی کورسونو معینلش‌دیره‌جک.

سئچکی‌ده ۴ نامیزد ایشتیراک ائدیر: حاظیرکی پرزیدنت مادورو، موخالیف انری فالکون، مهندیس رئینالدو کیخادا و کئچمیش راهیب هاوئر بئرتوچچی.

اؤلکه‌نین اساس موخالیف قوروملارینین بیرلشدیی «دموکراتیک بیرلیین دییرمی ماساسی» سئچکیلره قاتیلماییب و اؤلکه اهالیسینی سئچکیلری بایکوت ائتمه‌یه چاغیریب.

سوسیولوژی سورغولارا گؤره، اساس رقابت مادورو و فالکون آراسین‌دا گئده‌جک.

«هینتئرلاجس»این کئچیردیی سورغویا اساساً، مادورونون ریتینقی ۴۸، فالکونون ۳۱ فایزدیر. ۱۴ فایز ایسه بئرتوچییه سس وئرجیینی دئییب.

«داتانالیسیس» شیرکتینین کئچیردیی سورغودا ایسه مادورونو سئچیجیلرین ۳۴، فالکون ایسه ۴۱ فایزی دستکله‌ییب.

قید ائدک کی، سئچکیلر نفتین قیمتینین اوجوزلاشماسی ایله ونزوئلادا چوخ بؤیوک اقتصادی چتینلیکلرین یاشاندیغی، ۳ ایل عرضین‌ده اینفلیاسییانین ۱۳.۰۰۰ (۲۰۱۴-۲۰۱۷-جی ایللرده) فایز اولدوغو و آمریکا سانکسییالارینین تطبیق ائدیلدیی مقامدا کئچیریلیر.