کیچیک بیر مسئله اوچون هر ویلایت‌دن خالق تهرانا یوللانمامالیدیر.

بو سؤزلری مصلحت نیزام شوراسینین کاتیبی محسن رضایی زنجان شهرین‌ده «مهرانه» خیرییه موسسه‌سین‌ده گؤروشو زامانی دئییب.

«حساب ائدیره‌م کی، اقتصادی ایالتلر یارانمالی‌دیر و ویلایتلره علاوه سلاهیت وئریلمه‌لی‌دیر. بئله کی، کیچیک بیر مسئله‌نین حلی اوچون هر بیر ویلایت ساکینینین اؤلکه‌نین مرکزینه اوز توتماسینا احتیاج قالماسین. بو اقتصادی ایالتلر ان قیسا زامان‌دا یارانمالی‌دیر»، م. رزایی ژورنالیستلره موصاحیبه‌سین‌ده بیلدیریب.

قید ائدک کی، بو باره‌ده کئچمیش‌ده ده بعضیلری تکلیف ایر‌لی سورموشدو. لاکین بایکوت اولاراق سؤز حدین‌ده قالدی. بیر نئچه ویلایتین بیرلشمه‌سی و یئنی ویلایتین یارانماسی دؤولتین ایندیکی سیاستینه تام ضیددیر و گوجلو تریبونالارا مالیک اولان معین قوه‌لر طرفین‌دن یاخین گونلرده رضایینین بو ایفاده‌سینه تنقیدلرین سسله‌نمه‌سی گؤزلنیلیر. بونا عکس اولاراق، آذربایجانین بؤلونمه‌سی و اونا (آذربایجان سؤزو اولماماق شرطی ایله) یئنی-یئنی آدلارین قویولماسی و پارالل اولاراق آذربایجان‌لیلار یاشایان یئرلری (بیری فارس نظره توتولماقلا) «ایکی دیللی» خالق آدی قویولماسی سیاستی سس‌سیزجه، لاکین جدی شکیل‌ده یورودولور. بئله کی، بو باره‌ده ان سون آتیلان آددیم خوی و اونا یاخین یئرده یئنی ویلایتین یارانماسی ایله باغلی لاییحه‌نین موذاکیره‌یه قویولماسی‌دیر.