عراق تهلوکه‌سیزلیک رسمیلری سون گونلر کئچیریلن اعتراض آکسییالاری زامانی ایرانین دستکلدیی بیر قروپ یاراقلیلارین بینالارین دامین‌دان نماییش‌چیلره آتش آچدیقلارینی بیلدیریب.

رئوتئرس خبر آگنت‌لیگی همین عراق تهلوکه‌سیزلیک رسمیلرینه ایستینادا، ایرانین دستکلدیی یاراقلیلارین اؤزباشینا باش ناظر عادئل عبدولمحدینین حکومتینه قارشی اعتراض دالغاسینی یاتیرماق قرارینا گلدیکلرینی دئییب.

ایرانین دستکلدیی یاراقلیلار حاضیرکی عراق حکومتینی دستکلییر. ایکی تهلوکه‌سیزلیک اورگانی قایناغیندان بیری بو باره‌ده دئییب: «بیزده دقیق فاکتلار وار کی، یاراقلی عنصرلردن اولان سنایپرلر سلاح‌لی قوه‌لرین باش کمان‌دانینین عوضینه اؤز کوماندیرینه بیرباشا معلومات وئریردی».

«اونلار ایرانلیلارا چوخ یاخین بیر قروپلاشمایا عایید ایدی»،- دئیه او علاوه ائدیب.

تهلوکه‌سیزلیک اورگانین‌داکی ایکینجی منبع قارا گئییملی یاراقلیلارین نماییش‌چیلره قارشی اعتراض آکسییالارینین اوچونجو گونونده آتشه توتولدوغونو سؤیله‌ییب.

قید ائدک کی، عراق‌داکی سون اعتراض دالغاسی زامانی ۱۰۰ مین‌دن چوخ اینسان اؤلوب و ۶۰۰۰ میندک اینسان یارالانیب.