ایران اجزاچیلار درنیی صدرینین معاوینی: «سیغورتا شیرکتلری آپتئکلره وئریلمه‌لی اولان بورجلاری اؤدمیر و نتیجه‌ده آپتئکلرین اقتصادی وضعیتی جدی بحران ایچین‌ده‌دیر».

علی فاطمی بو باره‌ده دئییب: «آپتئکلر سیغورتا شیرکتلرین‌دن کئچه‌ن ایلین دؤرد آیلیق طلبلرینی آلا بیلمه‌ییب».

اونون سؤزلرینه گؤره، طبی سیغورتا آگئنتلیگی بیر ایله یاخین‌دیر کی، آپتئکلره اولان بورجلارینی اؤدمیر.

طبی سیغورتا آگئنت‌لیگی، ۲۰۱۷-جی ایلین ایکینجی یاریسین‌دان دؤولت طرفین‌دن تعیین ائدیلمیش معالیجه مرکزلری ایله محدودلاشمیش اینکیشاف پلانینی حیاتا کئچیریر.

ایران صحیه ناظرلیگی سؤزوگئدن پلانین ایجراسی اوچون داها چوخ مالییه وسایطینین طلب اولوندوغونو بیلدیریب. لاکین بو لاییحه‌نی تنقید ائد‌نلر حساب ائدیر کی، لاییحه‌نین ایجراسینا آیریلمیش مالییه وسایطینین بؤیوک بیر حیصه‌سی «منیمسنیلیب».

ایندی ایسه طبی سیغورتا آگئنت‌لیگی مالییه چاتیشمازلیغی بهانه‌سی ایله آپتئکلره اؤد‌مه‌لی اولان وسایطی وئرمیر و بو دا آپتئکلرده «لیکویدلیک بحرانینا» سبب اولوب.