روسییا پرزیدنتینین مطبوعات کاتیبی دمیتری پسکوو ژورنالیستلره مصاحیبه‌سین‌ده بیلدیریب کی، کرئمل اؤلکه‌ده دموگرافیک پروسئسلرده منفی تئندنسییانین داوام ائتمه‌سین‌دن خبرداردیر.

آخار. آذ خبر وئریر کی، روسییانین حسابلاما پالاتاسی اؤلکه‌ده اهالینین سایین‌دا آزالمانین دؤرد ایل دالبادال داوام ائتدیینی بیلدیریب.

پئسکوو علاوه ائدیب کی، بو تندنسییا اوللر ده، او جمله‌دن میللی لاییحه‌لرین حاضرلانماسی واختی معلوم ایدی.

«بیلدیینیز کیمی، اونلاردان بیری ده دموگرافییا پروسئسلرینه حصر اولونوب. ایندی دوغوشلارین ایستیموللاشدیریلماسی، چوخوشاق‌لی عائله‌لرین دستکله‌نمه‌سی و دیگر دئموقرافیک تدبیرلری سایماغا لوزوم گؤرموره‌م. اونلار آرتیق دفعه‌لرله بیان ائدیلیب»، -دئیه مطبوعات کاتیبی وورغولاییب. او خاتیرلادیب کی، روسییا پرزیدنتی ولادیمیر پوتین اؤز چیخیشلارین‌دا اؤلکه‌نین دئموقرافیک چوخوردا اولماسینی دفعه‌لرله قید ائدیب و بو، ایلک نؤوبه‌ده، تاریخی عامللرله علاقداردیر. «بو چوخور، هر شئی‌دن اول، بؤیوک وطن محاربه‌سی ایللری ایله باغلی‌دیر، سونرا ۹۰-جی ایللرین اولین‌ده سووئت اتفاقینین سقوطو ایله داها دا درینلشدی. ایندی هر ایکی چوخور اؤزونو گؤستریر و بو سبب‌دن ده بو جور منفی دینامیکا مشاهیده اولونور»، -دئیه دمیتری پسکوو سؤزلرینه یئکون ووروب.

حسابلاما پالاتاسینین معلوماتینا گؤره، روسییادا ایشچی چاتیشمازلیغی ایله علاقدار ۲۰۱۸-جی ایلده ۱۲۵ مینه یاخین میقرانت قبول اولونوب. لاکین بو اینسانلار آزالان اهالی سایینین یالنیز ۵۷،۲ فایزینین یئرینی دولدوروب. اؤلکه‌نی ترک ائد‌ن روسلارین سایی ایسه ۴۴ فایز آرتیب. جاری ایلین سککیز آیی عرضین‌ده روسییادا اهالینین سایی ۲۱۹،۲ مین نفر آزالیب.