آنا صحیفه پلانت |
نووه راضیلاشماسینی ایمضالایان ۳ آوروپا اؤلکهسی- آلمانییا، فرانسا و بریتانییا ایرانا قارشی «تتیک مکانیزمی»نی ایشه سالاجاقلارینی بیان ائدیبلر.
آخار. آذ خبر وئریر کی، ۲۰۱۵-جی ایلده ایمضالانمیش نووه راضیلاشماسینین ۳۷-جی مادهسینه اساساً، «تتیک مکانیزمی» ده آدلاندیریلان ایختیلافلارین حل ائدیلمهسی مکانیزمی طرفلر آراسیندا یارانمیش فیکیر آیریلیقلارینی آراشدیریر. اگر میدانا گلمیش ایختیلافلار حل ائدیلمزسه، بو، سوندا راضیلاشمادان اؤنجه ایرانا قارشی قبول ائدیلمیش بین الخالق سانکسییالارین یئنیدن قوهیه مینمهسی ایله نتیجهلنهجک.
همین مادهده همچینین قید ائدیلیر کی، آلمانییا، فرانسا و بریتانییا ایرانین راضیلاشمانین موددهالارینی پوزماسی قناعتینه گلدیکلری تقدیرده، فیکیر آیریلیقلارینین حل ائدیلمهسی پروسسینه باشلاییرلار. بئلهلیکله، بو مسئله باخیلماسی اوچون ۶۵ گوندن گئج اولمایاراق بیرلشمیش میللتلر تشکیلاتینین تهلوکهسیزلیک شوراسینا تقدیم ائدیلیر. بوندان سونرا تهلوکسیزلیک شوراسی ایرانا قارشی سانکسییالارین یئنیدن تطبیق ائدیلمهسینه گؤستریش وئره بیلر.
«رویترس» آگنتلیینین معلوماتینا اساساً، هر ۳ اؤلکه بو گون آوروپا اتفاقینا ایرانین نووه راضیلاشماسینی یئنیدن پوزماسینا گؤره سؤزوگئدن مکانیزمه اوز توتاجاقلاری بارهده معلومات وئرهجک. آگنتلییه آچیقلاما وئرهن ۲ آوروپالی دیپلمات بیلدیریب کی، ۳ اؤلکهنین بو آددیمی آتماسینا سبب ایرانین یئنیدن راضیلاشمایا قاییتماسی اوچون ضروری اولان آددیملارین آراشدیریلماسی واسطهسیله نووه رازیلاشماسینین لغو اولماسینین قارشیسینی آلماقدیر.
تاریخ
2020.01.14 / 18:12
|
مولف
Axar.az
|