ارمنیستانین نؤوبتی دفعه آذربایجان طرفینی تخریباتا جلب ائتمک سعیلری بیرمعنالی اولمایان سواللار دوغوروب. هرچند کی، ایلین اولین‌دن جبهه‌نین محض بو حیصه‌سین‌ده گئتدیکجه آرتان تخریبات جهدلری، اصلین‌ده داها چوخ گئوسییاسی ماهیت کسب ائد‌جک حادثه‌لرین باش وئره بیلیینی سؤیله‌مه‌یه اساس وئریردی.

آخار. آذ خبر وئریر کی، بونو پولیتولوق ائلشن مانافوو دئییب.

اکسپرت حساب ائدیر کی، بو، تخریباتین ارمنیستان‌داکی سوسیال-اقتصادی، سیاسی رئاللیقلاردان ایر‌لی گلمه‌سی مسئله‌نین گؤرونه‌ن طرفی‌دیر:

«ارمنیستان‌دا حاکمیت اوغرون‌دا کلانلاراراسی ساواشین گوجله‌نمه‌سی بیر سیرا عامللرله باغلی‌دیر. مغلوب طرفین رئوانش گؤتورمک و حاکمیتی گئری قایتارماق ایستیی اؤز یئرین‌ده، بونون اوچون الوئریش‌لی موحیطی ایسه ائله پاشینیان و کومان‌داسینین اؤزو یاراتمیش‌دی. پاشینیانین کوسمئتیک کاراکترلی اصلاحاتلارینین اؤلکه‌ده جدی و کاردینال دییشیک‌لیکلره گتیریب چیخارمایاجاغی بل‌لی ایدی. نه کؤلگه اقتصادیاتی آرادان قالدیریل‌دی، نه ده اولیقارخ مأمورلار زررسیزلشدیریلیردی. ساده‌جه، اوولکی کلانلا باغلی مأمورلارین ضررسیزلشدیریلمه‌سی، اونلارین سیاسی ائلیتایا و ائلئکتوراتا تأثیر ایمکانلارینین محدودلاشدیریلماسی ایستیقامتین‌ده ایش گئدیردی. بو پروس‌سین اؤزون‌ده اساس مقصد و آمال اؤلکه‌نین ترققی‌سی دئییل، کاپیتال و مولکیته نظارت اوغرون‌دا مباریزه‌نین باشلایاجاغی بل‌لی ایدی. بو باخیم‌دان، بو مباریزه‌نین اؤلکه و رگیونا نظارت اوغرون‌دا مباریزه آپاران گوج مرکزلرینین دقتین‌ده اولماسی دا آنلاشیلان‌دیر.

روسییایا باغلی کلانین کونجه سیخیشدیریلماسی بو کلانلا یاناشی، اونون صاحبینی ده قیجیقلاندیریر، حیددتله‌ن‌دیریردی. پاشینیان اونو حاکمیته گتیرمیش غرب‌ده‌کی هاوادارلارینین قارشی‌سین‌دا گؤتوردویو عؤهده‌لیکلری یئرینه یئتیرملی‌دی. ان اساسی اؤلکه‌ده ایداره ‌ائتمه سیستمینی دییشدیرمک، غربین ارمنیستان‌داکی سیاسی و مالییه تاسیساتلارینین دایاقلارینی گوجلندیرمک اوچون آددیملار آتمالی، قرارلار قبول ائتملیدی. لاکین روسییانین بوراداکی حربی مؤوجودلوغو، هابئله ارمنیستانین ایران‌دان انرژی آسی‌لی‌لیغی بو آددیملارین آتیلماسینی لنگی‌دیر، مومکون‌سوز ائدیردی».

ائلشن مانافوو قئید ائدیب کی، آذربایجانا قارشی تخریباتا ال آتان ارمنیستانین بیر سیرا مقصدلری اولوب:

«ایلک نؤوبه‌ده، آوروپانین انرژی تهلوکسیزلیین‌ده اؤزونمخسوس رولو اولان نفت و گاز کمرلرینین کئچدیی اراضی‌ده تخریبات تؤرتمکله ناتو و «روس ناتو»سونو اوز-اوزه قویماغی پلانلاش‌دیریردی. ایکینجی‌سی، لیوییادا ماراقلاری توققوشان تورکییه و روسییانی بورادا دا اوزبوز قویماقلا مناسیبتلری گرگینلش‌دیرمک ایستییردی کی، بولانیق سودا بالیق توتا بیل‌سین. اوچونجوسو، غربه دولایی یوللا مئساژ وئریر کی، او، روسییانین آوروپانین انرژی بازارین‌دان سیخیشدیریلیب چیخاریلماسی مسئله‌سین‌ده غربله همرای‌دیر، لاکین معلوم عامللره گؤره بونو احتیاطلا ائدیر. عینی زامان‌دا، آذربایجانین ائنئرژی بازارلارینا چیخان یوللارین‌دا ایسه انگللر یاراتماقلا، بو بازارلاردا اؤلکه‌میزین اوپپونئنتی رولون‌دا چیخیش ائد‌ن روسییا و ایرانا خیدمت گؤستردیینی بیان ائتمک ایستییردی. لاکین ایروانین بو حسابلامالاری اؤزونو دوغرولتمادی».