۲۲:۴۶

قدس-ده ارمنیلره نفرت ائد‌ن یهودیلرین نوبتی آکسییاسی باش توتوب.

Axar.az خبر وئریر کی، بو گون گونورتا ساعتلاریندا ۳۰-آ یاخین قارا گئییملی و ماسکالی گروپ قدسون «اینک باغی» آدلانان و ارمنیلرین اؤزلرینه عاید ائتدیی محله‌سینده یئرلشن ارمنیلره هجوم ائدیب، اونلاری داشا باسیبلار.

ارمنی مدیاسی یازیر کی، ارمنی دین خادملری گنجلرله بیرگه هجوما قارشیلیق وئریبلر و «اصل دؤیوش» باش وئریب.

عنعنه‌وی اولاراق ارمنیلر ادعا ائدیب کی، جمعی ۲۰۰ مترلیکده اولان پلیس بؤلمه‌سیندن پلیسلرین گلمه‌سی چوخ چکیب، تخمیناً ۲۰ دقیقه. بو مدت عرضینده ارمنیلر «اؤز مکانلارینی قوروماغی» باجاریبلار.

ارمنی پاتریارخلیغی بیر نئچه کشیش ده داخل اولماقلا، ارمنیلرین یارالاندیغینی ادعا ائدیب. بیلدیریب کی، بو، اؤتن گون اینک باغی محله‌سی ایله باغلی قدس محکمه‌سینده ادعا قالدیرماغیمیزین جوابیدیر.

ارمنی پاتریارخلیغی فیزیکی موجودلوقلارینین تهلوکه‌ده اولدوغونو بیلدیررک، کمک ایستییب.

حادثه یئرینه گلن پلیس ایسه ۸ یهودی و ۲ ارمنی گنجی ساخلاییب.

قید ائدک کی، قدسده یهودیلرین ارمنیلره هجومو واخت‌آشیری باش وئریر. ارمنیلرین قدیم محله‌ده مسکونلاشماسی و اؤزلرینی «یئرلی» سایماسی یهودیلری قیجیقلاندیریر. ارمنیلره یهودیلر آراسیندا نفرت هم ده بونا گؤره‌دیر.