ایرانین دینی رهبری علی خامنه‌ای بوندان اول باش وئرنلری نظره آلمادان، نوبتی دفعه حج زیارتی اوچون مکه‌یه گئتمیی پلانلاشدیران ۸۷۵۵۰ ایران‌لی زواردان حج مراسیملری زامانی سیاسی فعاللیق گؤسترمه‌لرینی طلب ائدیب.

Axar.az خبر وئریر کی، او، مایین ۶-دا ائتدیی چیخیشیندا غزه‌ده باش وئرنلره توخونوب، اسرائیله قارشی عنعنوی اتهاملار سسلندیریب و زوارلاری ظالملارا، اسرائیله و اونو دستکله‌یه‌نلره قارشی مؤقع نماییش ائتدیرمه‌یه چاغیریب.

ایران حاکمیتینین حج مراسیمیندن سیاسی مقصدلر اوچون استفاده ائتمه‌سی دفعه‌لرله ریاضلا تهران آراسیندا مناسیبتلرین گرگینلشمه‌سینه یول آچیب.

ایران‌لی زوارلار ۱۹۸۷-جی ایلده مکه‌ده سیاسی آکسییا کئچیریب. بو زامان پولیسله یارانان قارشی‌دورما نتیجه‌سینده ۲۸۰ زووار حیاتینی ایتیریب.

بوندان نتیجه چیخارمایان علی خامنه‌ای ۲۰۱۵-جی ایلده بیر داها زووارلاردان سیاسی-ایدئولوژی مقصدلر اوچون استفاده ائدیب، مکه‌ده قانلی قارشی‌دورما یارانماسینا سبب اولوب. همین ایل زیارتچی آدی ایله مکه‌یه گؤندریلن و سیاسی-ایدئولوژی تبلیغاتینی آپارماق اوچون تعلیماتلاندیریلان حاکمیت مأمورلارینین اغتشاش تؤرتمه‌لری داها چوخ اینسانین حیاتینی ایتیرمه‌سی ایله نتیجه‌لنیب. بئله کی، ایران‌لی زوارلار مکه‌ده گئنیش اغتشاشا ال آتیب، سیاسی آکسییا کئچیریب و حج زیارتی مراسیمینی پوزوبلار. بونون قارشی‌سینی آلماغا چالیشان سعودییه عربستانی پلیس‌ینه مقاومت گؤستردیکلری اوچون ایسه قانلی توققوشما اولوب. گوج تطبیق ائتمه‌یه مجبور اولان سعودییه عربیستانی پولیسی ایله یارانان قارشی‌دورما نتیجه‌سین‌ده بو دفعه ۴۶۰ ایران‌لی هلاک اولوب.

بون‌دان سونرا سعودییه عربیستان و ایران آراسیندا مناسیبتلر داها دا گرگینلشیب، ریاض مقدس مکانلاردا نظارتی گوجلندیریب.

ایرانین حج و زیارت تشکیلاتینین وئردیی معلوماتا گؤره، بو ایل ۸۷۵۵۰ ایران‌لی زوار حج زیارتینه گئده‌جک.

مستقیل منبع‌لرین وئردیی معلوماتا گؤره، اونلارین آراسیندا مینلرله تبلیغات‌چی وار و تهران حاکمیتی بو ایلکی حج زیارتینی آنتی‌ اسرائیل مراسیمینه چئویرمیی پلانلاشدیریب.

علی خامنه‌اینین سون چاغیریشی ایران حدودلاریندان کناردا یاشایان نفوذلو دین خادیملری و شیعه مجتهیدلرینین ده ناراضی‌لیغینا سبب اولوب. اونلار ایران حاکمیتینی اؤزونون سیاسی مقصدلری نامینه اسلامین مقدس مراسیملری و مکانلاریندان سوءاستفاده ائتمه‌سینین اسلام قایدالاری و تعلیملرینه ضد اولدوغونو بیلدیریبلر.

بیر سیرا یئرلی منبع‌لرین معلوماتلاریندا ایسه بیلدیریلیب کی، علی خامنه‌اینین چاغیریشیندان سونرا چوخ سایدا ایران‌لی زوار مکه‌یه گئتمکدن قورخاراق، حج و زیارت تشکیلاتینا سفردن امتنا ایله باغلی مراجعتلر ائدیبلر.