یمن حوثیلری سپاه-ین قدس قوه‌لری، لبنان حیزبوللاهی و عراقلی اکسپرتلرین دسته‌یی ایله گوجلو حربی تشکیلاتا چئوریلیب.

Axar.az خبر وئریر کی، بو باره‌ده "رویترس" ب.م.ت-نین سانکسییا مشاهیده‌چیلرینین مخفی حساباتینا استنادا معلومات یاییب.

"حوثیلر، حماس، هحزبوللاه و عراق و سورییاداکی بیر سیرا دیگر سلاحلی گروپلارلا بیرلیکده سون بیر نئچه اون‌ ایللیک‌ده ایران حکومتینین دسته‌یی ایله یارادیلان و فعالیتینی داوام ائتدیرن «مقاومت جبهه‌سی»نین عضولری‌دیر"،- معلومات‌دا بیلدیریلیب.

بیرلشمیش میللتلر تشکیلاتینین سانکسییا نظارتچیلری اؤز حساباتلاریندا یمن حوثیلری‌نین ساختا پاسپورتلاردان استفاده ائد‌رک ایران، لبنان و عراقا سفر ائتدیکلرینی و بو اؤلکه‌لرده تاکتیکی و تکنیکی تعلیملر کئچدیکلرینی یازیبلار.

بو حساباتا گؤره، ۲۰۱۵-جی ایلدن بری ب.م.ت-نین سلاح امبارقوسو آلتیندا اولان حوثیلر ایران و اونون دستکله‌دیی گروپلارلا عینی سلاح سیستملریندن استفاده ائدیرلر.

قید ائدک کی، بیر مدت اول "وولل استریت ژورنال" ایرانین جیبوتی واسطه‌سیله یمن حوثیلرینه سلاح گؤندردیی باره‌ده معلومات یاییب.

بو معلوماتا گؤره، سلاحلار ایران لیمانلارین‌دان شرقی آفریکاداکی جیبوتی اؤلکه‌سینه گئدیر، داها سونرا ایسه ملکی گمیلر واسطه‌سیله ایرانین دستکله‌دیی حوثیلره چاتدیریلیر.