روسیا اولکه‌یه قارشی تطبیق ائدیلن بوتون سانکسییالارین لغوی مقابیلین‌ده اوکرایناداکی محاربه‌نی دایاندیرماغا حاضردیر.

Axar.az خبر وئریر کی، بونو روسیا خاریجی ایشلر ناظری سرگئی لاوروو «نیوزویک»ا مصاحیبه‌سین‌ده دئییب.

لاوروو مصاحیبه‌سینده اوکراینا اوردوسونون لوگانسک، دونتسک، زاپوروژیه و خرسون ویلایتلریندن تمامیله چیخاریلماسینی و بو اراضیلری روسییانین رگیونلاری کیمی تانیماسی ایله باغلی پرزیدنت ولادیمیر پوتینین ده طلبینی خاطرلادیب. بوندان باشقا، پوتین اوکراینانین بلوکلارا قوشولماماسی و نووه‌سیز ایستاتوسونون محکملندیریلمه‌سینی، همچینین اؤلکه‌نین دمیلیتاریزاسییاسینی و دناسیفیکاسییاسینی طلب ائدیب:

«کیئو بو بیاناتا آوگوستون ۶-دا کورسک ویلایتینه سلاحلی باسقینلا جواب وئریب. اونون حمایه‌دارلاری – آمریکا و دیگر ناتو اؤلکه‌لری روسیانی ایستراتژی مغلوبیته اوغراتماغا چالیشیرلار. بو شرطلر داخیلینده بیزیم اوکراینادان گلن تهلوکه‌لر آرادان قالخانا قدر خصوصی عملیاتیمیزی داوام ائتدیرمکدن باشقا چاره‌میز یوخدور».

اونون سؤزلرینه گؤره، روسیا اوچون اوکراینایا قارشی محاربه خالقینین مدافعه‌سی و حیاتی تهلوکه‌سیزلیک ماراقلاریدیر. مسکوا هر دفعه هامی‌یا اویغون بیر مقاویله باغلایاندا کیئو و اونون آغالاری گئری چکیلیر:

«ب.ام.ت تهلوکه‌سیزلیک شوراسی طرفیندن تصدیق ائدیلمیش مینسک راضیلاشمالاری، همچینین ۲۰۲۲-جی ایلین مارتین سونوندا ایستانبولدا پارافلانمیش صلح مقاویله‌سینی مثال گؤسترمک اولار.

صلح‌ون برپاسی دوشمنیمیزین پلانلارینین بیر حیصه‌سی دئییل. اوکراینا پرزیدنتی ولادیمیر زلنسکی مسکوا ایله دانیشیقلاری قاداغان ائد‌ن فرمانینی لغو ائتمه‌ییب. واشینگتن و اونون ناتو متفیقلری محاربه‌نی داوام ائتدیرمک اوچون کیوه سیاسی، حربی و مالیه دستیی وئریرلر. اودلا اویناماق تهلوکه‌لی نتیجه‌لره سبب اولا بیلر. پرزیدنت پوتینین دئدیی کیمی، بیز غرب‌دن گلن تهدیدلری آنلایاراق آدکوات قرارلار قبول ائدجییک. نتیجه چیخارماق سیزین اختیارینیزدادیر".