اسد رژیمینین نظارت ائتدیی اراضی اوچون «بوتیک دولت» ایفاده‌سی ایشلنیر. سوریا ایللردیر پارچالانمیش حال‌دادیر و اسد رژیمینین اؤلکه‌سینین یاخین کئچمیشده‌کی اراضی بوتؤولویونو تعمین ائدجیی سوال آلتیندادیر. رژیم میلیونلارلا سوریالینین گئری قاییتماسینی دا ایستمیر، چونکی اؤلکه‌نی ترک ائد‌نلر مخالف دوشونجه‌لیلر ایدی. اونلار ایسه رژیمه لازیم دئییل.

Axar.az خبر وئریر کی، بو سؤزلری پولیتولوگ الخان شاهینوغلو سوریاداکی سون گرگین‌لیکله باغلی قید ائدیب.

او بیلدیریب کی، تورکییه، روسیا و ایرانین سورییا ایله باغلی فورمالاشدیردیقلاری «آستانا پروسسی»نه یئنی‌دن احتیاج یارانیب:

«تصادفی دئییل کی، سون اولایلارلا باغلی ۳ اؤلکه‌نین خاریجی ایشلر ناظرلری آراسیندا دیالوگ سرعت‌لنیب. تورکییه سورییانین اراضی بوتؤولویونو تانی‌سا دا، بو اؤلکه‌دن اراضی‌سینه ترور تهلوکه‌سین‌دن قورونماق ایستییر. اسد آنکارانین دیالوگ تکلیفینی گئری چئویرمه‌سه‌یدی، بلکه ده سلاح‌لی مخالیفتین هجومو باش وئرمز، رژیم بؤیوک اراضیلر ایتیرمزدی. یئنه ده آنکارا ایله دیالوگو برپا ائتمک اوچون گئج دئییل».