روسییا مدافعه ناظری آندری بلووسوو کورسک ویلایتین‌ده وضعیتین پیسلشمه‌سی ایله علاقه‌دار خصوصی حربی عملیات زوناسیندان سوریایا علاوه حربی قوه‌لر گؤندرمکدن امتنا ائدیب. کیئو اوکراینانین ان یاخشی تجهیز ائدیلمیش و ان سرعت‌لی بریگادالاریندان بیری اولان ۸۰-جی هوا دسانت بریگاداسینی بؤلگه‌یه یئرلشدیریب.

Axar.az خبر وئریر کی، بو باره‌ده «اینسایدر-ت» تلگرام کانالی روسییا مدافعه ناظرلیین‌ده‌کی منبع‌لره استنادلا معلومات یاییب.

کانالین منبع‌لری بیلدیریبلر کی، سوریا پرزیدنتی بشار اسدین حربی کونتینگنتین گوجلندیریلمه‌سی ایله باغلی خواهشلرینه باخمایاراق، روسیا مدافعه ناظرلییی یاخین واختلاردا بو مسئله‌یه باخماغا حاضر دئییل:

«سوریا اوزاقدادیر، اما بیز بورادا مسئله‌لری حل ائتملیییک. بیزیم آیروکوسمیک قوه‌لریمیز اورادا داواملی اولاراق ایشلییر، گئتدیکجه داها چوخ اراضی اله کئچیرمه‌یه چالیشان اسلام‌چیلارا چوخسایلی ضربه‌لر ائندیریر. مدافعه ناظرلیینین قارشی‌سیندا اساس وظیفه دورور: کورسک‌دان دوشمنی قووماق و دولت سرحدینین اعتبارلی محافظه‌سینی تعمین ائتمک».