آمریکا پرزیدنتی جو بایدنین اوغلو هانتری عفو ائتمک قراری آمریکا پرزیدنتلیینین نفوذونا بؤیوک زیان ووروب.

Axar.az خبر وئریر کی، بونو روسیا دولت دوماسینین صدری ویاچسلاو وولودین تلگرام کانالین‌دا یازیب.

«بو نفوذو تکجه اؤز وطنداشلارینین دئییل، بوتون دنیا اجتماعیتینین گؤزو قارشی‌سیندا برپا ائتمک اوچون اون‌ایللیکلر لازم اولاجاق. باشقا اؤلکه‌ده چتین کی، صلاحیت مدتی باشا چاتان پرزیدنت بیر نئچه جنایت، او جمله‌دن آغیر جنایتلر تؤرتمکده تقصیرله‌ندیریله‌ن اوغلونون تام عفو ائدیلمه‌سی حاقیندا فرمان وئرسین. یئری گلمیشکه‌ن، بایدن بوندان اول دفعه‌لرله بئله بیر آددیم آتمایاجاغینی و عدالته مانع اولمایاجاغینی بیلدیریب»، - او بیلدیریب.

قید ائدک کی، آمریکا پرزیدنتی جو بایدن قانونسوز سلاح ساخلاما و وئرگیدن یایینمادا اتهام اولونان اوغلو هانتری عفو ائتمیشدی.