اغتشاشلارین داوام ائتدیی گرجستاندا «رنگلی انقلاب» سناریسینین حیاتا کئچیریلمه‌سی مقصدیله خارجی اؤلکه‌لردن گروپلارین گؤندریلدیی حاقدا معلوماتلار وار.

Axar.az خبر وئریر کی، گرجستان حاکمیتی اوکراینادان خصوصی «دیورسانتلارین» گؤندریلدیینی بیان ائتمیشدی. لاکن بو، مخالفت طرفیندن تکذیب ائدیلدی.

شرقی آوروپا اؤلکه‌لری، ائلجه ده بالتیکیانی اؤلکه‌لردن ده «رنگلی انقلاب» اوزره حاضیرلانمیش خصوصی گروپلارین گرجستانا گؤندریلدیی خبرلری یاییلیر. حاکمیتین دئوریلمه‌سی مقصدیله تفلیسه گروپلار گؤندرن اؤلکه‌لر آراسیندا ارمنستانین دا آدی چکیلیر. معلوماتلارا گؤره، اغتشاشلارا دستک وئرمک اوچون ارمنیلرین گؤندریلمه‌سی تاپشیریغینی ارمنستانین باش ناظیری نیکول پاشنیان وئریب.

ارمنستان‌دا «دموکراتیک آلترناتیو» پارتیاسینین صدری سورن سورنیانتس دا بیلدیریب کی، اوندا بونونلا باغلی معلوماتلار وار.

«پاشنیان گرجستان‌دا حاکمیتین دییشمه‌سینی اورکدن ایستییر. منده اولان معلوماتا گؤره، گرجستاندا کئچیریلن اعتراض آکسیالاریندا ارمنستاندان گؤندریله‌ن ۴۰۰-۵۰۰ نفرلیک گروپ دا اشتراک ائدیر»، - او بیلدیریب.