آمریکانین یئنی سئچیلمیش پرزیدنتی دونالد ترامپ کانادا باش ناظری جاستین ترودو ایله گؤروشو زمانی اوتاوانین قانونسوز میقراسییا و نارکوتیک قاچاقمالچی‌لیغی پروبلمینی حل ائده بیلمه‌یه‌جه‌یی تقدیرده کانادانین آمریکانین ۵۱-جی ایشتاتی اولا بیله‌جه‌یی ایله هده‌له‌ییب.

Axar.az خبر وئریر کی، بو باره‌ده «فوکس نیور» منبع‌لرینه استنادا معلومات یاییب.

«کئچه‌ن هفته مار-آ-لاقوداکی اقامتگاهیندا کئچیریلن دانیشیقلاردا ترامپ ترودویا بیلدیریب کی، ۲۰۲۵-جی ایل یانوارین ۲۰-ده آند ایچمه گونو اوتاوا قانونسوز میقرانتلارین کانادا سرحدیندن آمریکایا آخینی ایله باغلی وضعیتی کؤکوندن دییشه بیلمه‌سه، بوتون کانادا مالارینا ۲۵% ادخال روسوملاری تطبیق ائد‌جک.

ترودو دا اؤز نوبه‌سینده دئییب کی، بو جور تدبیرلر کانادا اقتصادیاتینی اؤلدوره بیلر. ترامپ ایسه جوابین‌دا کانادانین او زمان یقین کی، آمریکانین ۵۱-جی ایشتاتی اولا بیله‌جه‌یینی وورغولاییب. بو افاده کانادا باش ناظرینین عصبی گولوشونه سبب اولوب»، - منبع قید ائدیب.