طیاره‌نین مهارتله اداره اولونماسی بؤیوک بیر فلاکتین قارشیسینی آلدی.

Axar.az خبر وئریر کی، بونو آمریکالی کئچمیش پیلوت، نوادا اونیورسیتتینین پروفسورو دن باب آزال-این آکتاو یاخینلیغیندا قضایا اوغرایان طیاره‌سی ایله باغلی «نیوسویک» نشرینه آچیقلاماسیندا دئییب.

«اکیپاژین سعیلری تکجه کابینه‌ده محدودلاشمیردی. ساغ قالانلار ائنیش زمانی حیرت آمیز سویوققانلیلیغی خاطیرلاییرلار. ساکتلیی و نظارتی ساخلاماق تدریسین بیر حصه‌سیدیر. پیلوتلارا گؤزلنیلمز حادثه‌لره حاضر اولماق، گؤزلنیلمز حادثه‌لری پلانلاشدیرماق و پتنسیال پروبلملری قاباقلاماق اؤیردیلیر»، - باب بیلدیریب.

اونون سؤزلرینه گؤره، طیاره گوجونو ایتیردیکده، آغیر پلانره چئوریلیر:

«پیلوتلار ان یاخشی پلانلاما سرعتینی تاپمالی، ان یاخین هوا لیمانینی معیینلشدیرمه‌لی و نظارتی ساخلامالیدیرلار. بوتون بونلار آیرودینامیکا و اوچوشون اساسلارینی باشا دوشمکدن عبارتدیر».

باب بو حادثه‌نی ۱۹۸۹-جو ایلده «یونایتد آیرلینس» طیاره‌سینین قضایا اوغراماسی ایله مقایسه ائدیب. بیلدیریب کی، او زمان طیاره‌نین محرکینین پارتلاماسی نتیجه‌سینده هیدراولیک سیستم سیرادان چیخمیشدی:

«طیاره فاکتیکی اولاراق اداره‌اولونماز اولسا دا، اکیپاژ طیاره‌نی ثابتلشدیرمک اوچون محرکلر آراسیندا دیفرنسیال تکاندان استفاده ائد‌رک ائنه بیلمیش و گؤیرته‌ده اولان ۲۹۶ نفردن ۱۸۴-نو خلاص ائتمیشدی. عینیله آذربایجان طیاره‌سینین اکیپاژی دا اینانیلماز درجه‌ده چتین وضعیتین عهده‌سیندن گلمک اوچون اؤز حاضرلیغی و فراستیندن استفاده ائدیب. بو وضعیتلرده پیلوتلار اؤز تجربه‌لریندن استفاده ائد‌رک غیر-استاندارد دوشونملیدیرلر. بو باجاریق و سویوققانلیلیق سوییه‌سی بؤیوک پیلوتلاری دیگرلریندن فرقلندیریر. اونلارین الده ائتدیکلری معجزه‌دن باشقا بیر شی دئییل».