تورکیه لیدری رجب طیب اردوغانلا فرانسا پرزیدنتی امانوئل ماکرون آراسیندا باش توتان تلفون دانیشیغی مختلف یوزوملارا یول آچیب.

Axar.az خبر وئریر کی، ارمنی پولیتولوق آکوپ بادالیان بو تلفون دانیشیغینین تصادفی اولمادیغینا دقت چکیب.

او قید ائدیب کی، سوریا لیدری شارا تورکیه‌یه سفر ائد‌ندن (۴ فورال‌دا – رئد.) ایکی گون سونرا فرانسا پرزیدنتی ماکرونلا تلفون دانیشیغی آپاریب. ۷ فورالدا ایسه ماکرونلا اردوغان آراسیندا تلفون علاقه‌سی باش توتوب:

«ماکرون و اردوغان سوریا پرزیدنتی شارا ایله آردیجیل تماسلاردان سونرا نه‌یی مذاکره ائده بیلردیلر؟ بو آردیجیللیق اونو دئمه‌یه اساس وئریر کی، ماکرون-اردوغان تلفون دانیشیغی هانسی‌سا راضیلاشما ایله باغلیدیر.

مسئله بوراسیندادیر کی، او «علاقه» هانسی زمان و مکان اوچوندور، چونکی بیزه ماراقلی اولان بو راضیلاشمانین قافقازا چاتیب-چاتمایاجاغیدیر».

بو آرادا، تورکیه «متور» راکتلرینین آلینماسی ایله باغلی دانیشیقلار آپاریر و یونانیستان باش ناظیری اؤتن گون بونا گؤره ماکرونا ناراحاتلیغینی چاتدیرمیشدی. حالبوکی یونانیستان «متور» راکتلری ایله تجهیز ائدیلمیش ۲۴ «رافاعل» طیاره‌سی آلیب.

فرانسا همچنین ارمنیستانین سلاحلانماسین‌دا خصوصی رول اویناییر و آذربایجانا قارشی ایروانی قیزیشدیرماغا داوام ائدیر.