بریتانیانین خارجده‌کی مخفی کشفیات خدمتی اولان م‌ای۶-نین کئچمیش رهبری ریچارد دیرلاو اسلام رسپوبلیکاسی‌نین آگنتلرینین بریتانیا یهودیلری و بو اؤلکه‌ده یاشایان اسلام رسپوبلیکاسینین علیهدارلاری اوچون تهلکه اولدوغو باره‌ده خبردارلیق ائدیب و بؤیوک بریتانیینین انقیلاب کئشیکچیلری قواردییاسینی هله ده معلوم ترور تشکیلاتلاری سیاهیسینا داخل ائتمه‌مه‌سینی قیناییب.

Axar.az خبر وئریر کی، بو باره‌ده او، بو باره‌ده بریتانییانین جویش کرونیکل نشرینه مصاحبه‌سینده دئییب.

او، ایرانین بریتانیادا رادیکال شیعه دین خادیملرینه دسته‌یی ایله باغلی خبردارلیق ائدیب:

"اولا بیلسین کی، بو شیعه گروپلاریندان بعضیلری اکسترمیستلره و ترورچولارا سیغیناجاقلار وئرسینلر و تهلکه‌سیزلیک خدمتلری بو پروبلمی یاخشی بیلیر".

سپاه-ین خارجی اؤلکه‌لرده‌کی شبکه‌سینه توخونان ریچارد دیرلاو، اونلارین مقصدلرینه چاتماق اوچون شعیه مسلمانلارین دینی حسیاتیندان استفاده ائتدیکلرینی سؤیله‌ییب.

«اسلام انقیلابی کئشیکچیلری کورپوسونون، خصوصیله شیعه مسلمان اجماعلارینین اولدوغو اراضیلرده بؤیوک تأثیری وار. بونلار اسلام رسپوبلیکاسینا بیر نوع رغبت بسله‌ین و معین درجه‌ده اسلام رسپوبلیکاسینا دستک نماییش ائتدیره‌ن جمعیتلردیر. لندن ده داخل اولماقلا بیر-ایکی مسجید وار کی، بو مقصدلره خدمت ائدیر»،- او علاوه ائدیب.