دولت دپارتامنتین‌ده هرطرفلی اصلاحاتلار باشلایاجاق.

Axar.az خبر وئریر کی، بو باره‌ده آمریکا دولت کاتبی مارکو روبیو دئییب.

او بیلدیریب کی، حاضیرکی فورمادا دپارتامنت شیشیردیلمیش و بوروکراتیکدیر، بؤیوک گوجلرین رقابتی فونون‌دا اساس دیپلماتیک میسیانی یئرینه یئتیرمک اقتداریندا دئییل. اونون سؤزلرینه گؤره، گئنیشلنه‌ن بوروکراتییا آمریکانین اساس ملی ماراقلارینی انکشاف ائتدیرمک عوضینه، داها چوخ رادیکال سیاسی ایدئولوگییایا باغلی بیر سیستم یارادیب.

«بونا گؤره ده بو گون من دپارتامنتی ۲۱-جی عصره گتیرجک هرطرفلی یئنیدن‌قورما پلانینی اعلان ائدیرم. بو یاناشما دپارتامنتی ان آشاغی‌دان، یعنی بورولاردان توتموش سفیرلیکلره قدر گوجله‌ندیرجک. فونکسیوناللیغی آرتیرماق اوچون رگیونیؤنوملو فونکسییالار بیرلشدیریله‌جک، لازم‌سیز اوفیسلر باغلاناجاق و آمریکانین ملی ماراقلارینا اویغون اولمایان قانونسوز پروگراملار فعالیتینی دایاندیراجاق»، - دئیه روبیو علاوه ائدیب.