روسییا خاریجی ایشلر ناظری سئرگئی لاورووون ارمنستانا مایین ۲۰-۲۱-ده باش توتان سفری ایله باغلی ارمنی حربی اکسپرت آیک ناهاپئتیان سنساسیون ادعالارلا چیخیش ائدیب.

Axar.az خبر وئریر کی، ناهاپتیان لاورووون آغری داغینین فونوندا چکیلن فوتوسونون روسیا خارجی ایشلر ناظرلیینین سوسیال شبکه حسابین‌دا پایلاشیلماسینین تصادف اولمادیغینی بیلدیریب.

«زنگزور روسیا اوچون خصوصی اهمیت کسب ائدیر. تصادفی دئییل کی، سرگئی لاوروو مطبوعات کنفران‌سی زمانی قافان‌دا روسییا کونسوللوغونون آچیلماسی ایله باغلی ایشلرین داوام ائتدیریلدیینی بیر داها وورغولادی.

لاورووون سفرینین نوبتی مهم مئساژی ایسه اونون ارمنستانا گلن کیمی ایلک اولاراق غلبه پارکینی زیارت ائتمه‌سی و بؤیوک وطن محاربه‌سی قربانلارینین خاطره‌سینی یاد ائتمه‌سی، اونون آغری داغینین فونوندا فوتوسونون یاییملانماسی‌دیر»، - او بیلدیریب.

ناهاپتیانین فیکرینجه، تورکییه قارا دنیز، سورییا و جنوبی قفقازدا روسیانی سیخیشدیریر:

«لاوروو ایروانا روسیانین جنوبی قفقازدا بؤیوک محاربه‌یه حاضرلاشدیغینی گؤسترمه‌یه گلمیشدی، اونا گؤره ده ارمنستان حاکمیتینین موقعینی آیدینلاشدیرماق واجیب‌دیر».