قاراباغدان ارمنستانا قاچان سپاراتچیلارین قالیقلاری اوللر پاشینیان حاکمیتی طرفیندن هجوملارا معروض قالسا دا، سون دورلر بو تضییقلرین سنگیدیی مشاهده ائدیلیر. حتی ایروان‌داکی قوندارما «آرتساخ نماینده‌لییی» فعالیتینه هله ده داوام ائدیر، سپاراتچیلار دا اساس توپلانتیلارینی اورادا کئچیریرلر.

Axar.az خبر وئریر کی، «هراپاراک» نشری ارمنستان حاکمیتینین سپارات‌چیلارا لویال مناسبتینین سببلرینی اؤیرنیب.

نشر یازیر کی، حاکمیت اوللر «دولت ایچینده دولتین اولماسینا» دؤزمه‌یه‌جه‌یینی دئسه ده، سون آیلار غیری-عادی درجه‌ده لویاللیق نماییش ائتدیریر.

«حاکمیت (قوندارما) پرزیدنت و پارلامنت اینستیتوتلارینی قورویوب ساخلاماغا امکان وئرن (قوندارما) کونستیتوسییا دییشیکلیینده ده، ساموئل شاهرامانیانین قوندارما «آرتساخین» بوراخیلماسی قرارینی دییشنده ده رئاکسیا وئرمیر. منبع‌لریمیز بیلدیریر کی، ارمنستان حاکمیتینین بو لویاللیغی روسیادان آلدیقلاری خبردارلیقلا باغلیدیر. معلوماتا گؤره، روسیا ارمنستان حاکمیتیندن (قوندارما) «آرتساخ» قوروملارینین ان آزی فورمال اولاراق ساخلانیلماسی، عمومی‌یتله، «آرتساخ» مسئله‌سینین تمامیله باغلانماماسینی ایسته‌ییب»، - نشر ادعا ائدیر.