واشینگتن ایرانین اورانین زنگینلشدیریلمه‌سی ایدئیاسیندان امتناع ائتمه‌سی شرطی ایله تهرانا دینج نووه پروگرامینین انکشافی اوچون تخمیناً ۳۰ میلیارد دوللار اینوئستیسییا آیریلماسی پلانینی نظردن کئچیریر.

Axar.az خبر وئریر کی، بو باره‌ده آمریکا آدمینیستراسییاسینداکی منبع‌لره استنادا سی‌ان‌ان معلومات یاییب.

بیلدیریلیب کی، بئله بیر ایدئیا آمریکا و یاخین شرقین اساس اویونچولاری طرفیندن بیر نئچه هفته اول، ائلجه ده بو هفته مذاکره اولونوب.

او جمله‌دن، تکلیفلردن بیرینده ایرانین نووه پروگرامینا ۲۰-۳۰ میلیارد دوللار حجمینده اینوئستیسییالارین آیریلماسی نظرده توتولور و وسایت آمریکادان دئییل، عرب اؤلکه‌لریندن گله‌جک.

قید اولونور کی، اینوئستیسییا مسئله‌سی ایران-آمریکا دانیشیقلارینین بیر نئچه راوندون‌دا مذاکره اولونوب.

بوندان علاوه، بو موضوع آمریکا پرزیدنتینین نماینده‌سی استیون ویتکوفون کؤرفز اؤلکه‌لرینین نماینده‌لری ایله گیزلی گؤروشونده قالدیریلیب.