آنا صحیفه رپورتاژ |
آخار. آذ ایستانبول بؤیوکشهر بلدییهسینین صدری اکرم ایمام اوغلو Teleqraf.com-آ مصاحیبهسینی تقدیم ائدیر:
- اکرم بی، اولا سیزی ایکی دفعه ایستانبول بؤیوکشهر بلدییه صدری سئچیلمیینیز مناسیبتیله تبریک ائدیریک. آرتیق ۲ آیدان چوخدور کی، بو واجیب پوستدا تمثیل اولونورسونوز. نلر حس ائدیرسینیز، ایکی آیلیق قیسا بیر مدتده ایستانبول اهالیسی اوچون نه ائده بیلمیسینیز؟
- ایستانبول اهالیسینین، دیرلی همشهرلیلریمین اوچ آیدا ایکی دفعه منی صدر سئچمهسی بؤیوک خوشبختلیکدیر. بیز ده سؤز وئردییمیز کیمی، قوللاریمیزی چیرمالاییب یولا چیخمیشیق. طبیعی کی، شرطلره اویغون اولاراق، بعضی پروبلئملرین یاشانماماسی مومکون دئییل. اونلاری دا حل ائدیریک، ائدجییک. ایستانبول دونیانین ان بؤیوک و ان سئویملی شهرلریندن بیریدیر.
بئله بیر شهرین بلدییه صدری اولماق هر شئیی تکباشینا حل ائتمک معناسینا گلمیر. اونسوز دا بو، منیم فلسفهمده یوخدور. تمامیله عکسینه، بئله بیر دونیا شهرینی گنیش هئیت، اورتاق عقل و ان دموکراتیک شکیلده ایداره ائتملیگیک. بونلاری باجاراجاغیقسا، ایشیمیز ده آسانلاشاجاق. بو ایستیقامتده اولا، بیرلیکده چالیشاجاغیمیز، عینی تفکرله یول گئدجییمیز دوستلاریمیزی سئچیب وظیفهیه گتیردیک. ایندی اونلارین دا سرعتله بو پروسسه داخیل اولماسی دؤنمیندییک، خئیلی مسافه قطع ائتدیک.
مارتین ۳۱-ده صدر پوستوندا اولدوغوم ۱۸ گونده گؤردویوموز ایشلری ایکینجی دفعه سئچیلدییمیز واختدان - ایونون ۲۷-دن اعتباراً داوام ائتدیریریک، یاریمچیق قالان ایشلری تماملامیشیق. ایندی ده سرعتله داوام ائدیریک.
ایستانبول بؤیوکشهر بلدییه صدری کیمی فعالیته باشلاماغیمیزین ایکی آیی تمام اولدو. بو مدتده ایستانبولون پروبلئملری ایله باغلی ایشلر گؤرموشوک. بونلاردان بیری مترو و نقلیاتدیر. بوندان باشقا اینشاعاتین سورعتلندیریلمهسی، مؤوجود ایستروکتورلارین ثمرهلی فعالیتی اوچون لازیم اولان نه وارسا، حیاتا کئچیریلدی. قوروملارا باش چکهرک، تیکینتی ساحهلرینی گزهرک، گؤروشلر واسطهسیله معلومات توپلایاراق، هدفلریمیزی معینلشدیردیک. دوزو، ایندی فیکیرلشنده ۶۰ گونه سیغیشدیریلماسی چتین اولان ایشلر گؤرموشوک. هفته سونلاری و تعطیللرده مترو و آوتوبوسلارین ۲۴ ساعت ایشلهمهسیندن توتموش حیوان سیغیناجاقلاریندا ایش رژیمینین گوجلندیریلمهسینه، اونیورسیتئتلرده طلبهلرله گؤروشمکدن سیاسی پارتییالارین ایستانبول ایدارهچیلرینین شهرله باغلی فیکیرلرینی اؤیرهنمهیه، قاچقین پروبلئمیندن دینی کسیمین طلبلرینی قارشیلاماغا، ۱۶ میلیون ایستانبوللونون داها اوجوز و ساغلام قیدالانماسی اوچون گؤرولهن ایشلردن بو مقصدله ۱۰ بؤیوکشهر بلدییه صدری دوستوملا بیر ماسادا ایلشیب قرار قبول ائتمهیه، مدنی تدبیرلردن کوتلوی توپلانتیلارا، بو شهرین ان بؤیوک آوتوواغزالینین برباد وصیعتینه سون قویوب بلدییهنین اعهدلیینه گؤتورولمهسیندن توتموش قوراجاغیمیز حیات وادیلرینی شخصاً گزیب ایشلری سرعتلندیرمهیه، توللانتی پروبلئمیندن، بیر-بیریندن گؤزل، اما بوش میدانلارین خالقین خیدمتینه وئریلمهسیندن باشلامیش بو شهرین گوجلو کیملیینی داها دا گوجلهندیرهجک لاییحهلر حیاتا کئچیرمهیه، سئل و داشقینلارین ووردوغو زیانلاری قارشیلاماقدان آچیلان یارالاری باغلاماغا، بو شهرین اینسانلاری اوچون ایستیفادهسی لازیم اولان پوللارین آخیدیلدیغی یانلیش مجرالاری معینلشدیریب اورایا گئدن قایناقلاری بلدییه بودجهسینه یؤنلتمهیه قدر و داها سایا بیلمدییم بیر چوخ ساحهده ایش گؤردوک، لاییحهلر حیاتا کئچیردیک.
طبیعی کی، بونلارلا کیفایتلنمیجییک، قاباقدا گؤرجییمیز چوخ ایشلر وار. هر گون بو مقصدله وضعیتی دیرلندیریجییمیزه هئچ کسین شوبههسی اولماسین. حتی آذربایجانلی قارداشلاریمیز دا بیزی، گؤردویوموز ایشلری یاخیندان ایزلهسین، اسکیک گؤردوکلری نه ایسه اولارسا، خبردارلیق ائتسین کی، بیز ده دوغرو ایستیقامته یؤنلک.
- سئچکی کامپانییانیزی ایزلدیک. خصوصیله، سئچکیلرین لغویندن سونرا باشلاتدیغینیز کامپانییا تورکییه تاریخینه دوشدو. اوغور قازانماغینیزا هانسی فاکتورلارین تأثیری اولدو، ناعیلیتینیزین آرخاسینداکی سیرر ندهدیر؟
- سادهجه، دوغرو اولانی ائتدیم، یعنی سیاستچی کیمی خالقا بارماق سیلکلمدیم، قلبیمی آچدیم. پیس سؤز دئمدیم، سئوگیمی گؤندردیم، اؤزگه مناسیبت گؤسترمدیم، دعالارینی قبول ائلدیم، منیمله بیرگه هیجانلاندیلار، سئوگیلرینی نعمت بیلدیم. حقیقتا، بوندان او طرفی او قدر ده واجیب دئییل.
۱۶ میلیون ایستانبوللو همشهرلیلریمله چوخ گؤزل دیل تاپدیق، اورکلریمیز بیرگه دؤیوندو، بیر-بیریمیزین الینی سیخدیق، سئوگیمیزی بؤلوشدوک. بونو ائده بیلدیک کی، ۱۶ میلیون ایستانبوللو بیزه ایناندی، اولجه ۳۱ مارتدا، سونرا ۲۳ ایوندا. ایونون ۲۳-ده حاقسیزلیغا قارشی بؤیوک برابرلیک نوماییش ائتدیردیک، باشقاسینین حاقینی یئمدییمیز کیمی حاقیمیزی دا یئدیرتمیجییمیزی گؤستردیک.
دموکراتییانی آرادان قالدیرماق، میللتین سئچیمینی یوخا سایماق ایستهیهنلره بو یولا بیر داها اصلا ال آتمامالاری اوچون درس وئردیک. بونو دوز ۱۶ میلیون اینسانلا بیرلیکده ائتدیک. بودور بیزیم بو ۱۶ میلیونلا اورتاقلاشدیردیغیمیز و منیم «یئنی نسیل سیاست و یئنی نسیل یئرلی ایدارهچیلیک» دئدییمیز آنلاییشی اساس گؤتورهرک اوغور قازاندیق. گؤزل دانیشدیق، گؤزل آنلاشدیق. نه ائدجییمیزی اولدوقجا گؤزل ایضاح ائلدیک، لاییحهلریمیز بارهده فیکیر مبادیلهسی آپاردیق، داوا ائتمدیک. ۱۶ میلیون ایستانبوللو دا بیزی بئله قبول ائلدی، دستیینی اسکیک ائتمهدی.
اونلارا نه قدر تشکر ائتسهم، آزدیر. هر شئیی، هامیمیز بیرلیکده چوخ گؤزل ائتدیک. بوندان سونرا دا هئچ کس آرامیزا گیرمهیهجک. بیز بوتون همشهرلیلریمیزله بیرلیکده شهریمیزی ان گؤزل شکیلده ایداره ائدجییک.
- ایستانبول بؤیوکشهر بلدییه سدرلیینه سئچکیلرین نتیجهلری آذربایجاندا دا ماراقلا قارشیلاندی. هئچ آذربایجاندا اولموسونوز؟ قارشیدا باکییا سفرینیز گؤزلنیلیرمی؟ ایستانبولدا تحصیل آلان، ایشلهیهن مینلرله آذربایجانلی وار. اونلارین پروبلئملری ایله تانیش اولماق، تمثیلچیلری ایله گؤروشمک ایمکانینیز اولوبمو؟
- طبیعی کی، آذربایجاندا اولموشام. آذربایجانی و آذربایجانلی دوستلاریمیزی چوخ سئویرم. آرتیق ایستانبول بؤیوکشهر بلدییه صدرییهم. سیزین واسطهنیزله خبر وئرمک ایستردیم، خاریجه ایلک سفرلریمدن بیری ده آذربایجانا، باکییا اولاجاق. گلهجهیهم، قوجاقلاشاجاغیق، صحبت ائدجییک. اینانین، بؤیوک بیر هیهجانلا او گونو گؤزلییرم، یقین، تسووور ائده بیلیرسینیز، بورادا ایشلریمیز چوخ گرگیندیر، گئدیلهجک چوخ اوزون یولوموز وار. ان قیسا واختدا ایشلریمیزی یولونا قویوب باکیدا اولاجاغام، ایندیدن خبر وئریم.
آذربایجانلی قارداشلاریمیز، دوستلاریملا همیشه گؤروشوروک، علاقه ساخلاییریق، اونلارا قاپیمیز هر زامان آچیقدیر. من آرامیزدا مسافه گؤرمورهم. بو گؤزل شهر بوتون آذربایجانلی قارداشلاریمیز اوچون هر شئی ائتمهیه حاضردیر. طلبهلرینیز بیزیم اؤولادلاریمیزدیر، بیر پروبلئملری اولارسا، اکرهم ایماموغلو بورادادیر، بیلسینلر. اونسوز دا بیز ده اونلارلا لازیمی تماسلار قوروروق، ناراحات اولمایین.
بو سببدن آنالارینا، آتالارینا «اؤولادلاریمیز بیزه امانتدیر، اونلارین تحصیلینی باشا چاتدیریب اؤلکهلرینه فایدالی، سیزلره خیرلی اؤولادلار اولمالاری اوچون الیمیزدن نه گلیرسه ائدجییک، هئچ شوبههنیز اولماسین» دئیه چاغیریش ائتمک ایستییرم.
تاریخ
2019.09.04 / 11:14
|
مولف
Axar.az
|