آنا صحیفه رپورتاژ |
گونئیلی موغهننی رامین ماراغالینین فیکرینجه، موسیقی صنعتینین سرحدلری یوخدور، اونا گؤره ده، "بیر کولتور بیر اؤلکهنین سرحدلری ایچینده اولان باشقا بؤلگه ایله چوخ فرقلی اولا بیلر، اما عینی حالدا بیر سرهددین قارشی طرفیندهکی ایله عینی اولا بیلر."
آخار. آز خبر وئریر کی، تورکییهده موهاجیرتده یاشایان گونئی آذربایجاندان اولان موغهننی و موسیقیچی رامین ماراغالی آمئریکانین سسینه دانیشیب.
رامین ماراغالی دئییب کی، بیر چوخ دؤولتین ترکیب حیسهسینده یئر آلمیش اولان آذربایجان تورپاقلاریندا "واهید آذربایجان کولتور دیل و صنعتی مؤوجوددور کی، بو بؤیوک اراضییه تاریخی آذربایجان جوغرافییاسی آدینی وئرهمک اولا بیلر."
"ایللر اؤنجه فرهاد ایبراهیمینین شئیرینه اوستاد علی سلیمینین بستلدیی آیریلیق ماهنیسی گونئی آذربایجاندا، قوزئی آذربایجاندا و هابئله تورکییه و دیگر تورک اؤلکهلرینده اوخونور و تانینیر. شئیر ساحهسینده ایسه دیرلی اوستاد شهریارین شئیرلری، خصوصی ایله "حیدر بابایا سلام" منزومهسی، بوتون تورک دونیاسیندا تانینیر" - دئیه، صنعتچی ایفاده ائدیب.
او همچینین تئخنولوگییا عصرینده اینتئرنئت و سوسیال مئدیانین کولتور و مدنیت محصوللارینین یاییملانماسینی خئیلی سورتلندیردیینی قئید ائدرک بیلدیریب کی، "ایللر اؤنجه بیر ماهنینین بیر نئچه اؤلکهیه یئتیشیب یاییلماسی اوچون ایللرین کئچمهسی گرکیرکهن، گونوموزده بو یاییلاما پروسئسی اینتئرنئت و سوسیال مئدیا واسطهسی ایله گونلر، بلکه ده ساعتلار ایچینده باش توتور."
گونئیلی موغهننی سون ایللرده سوسیال مئدیا واسطهسی ایله ایران آذربایجانی، آذربایجان رئسپوبلیکاسی و تورکییهیه یاخینلاشدیران بیر ماهنینی مثال چکیب. «کئچهن ایل گونئی آذربایجانین سولدوز رایونونا عایید اولان بیر اسکی خالق ماهنیسی سنتچیمیز طرفیندن سسلندیریلدی. اونون فرقلی ایفاسییلا یاناشی، بو ماهنی ایله اینسانلارین رقص ائتمهسی و سوسیال مئدیا حسابلاریندا پایلاشمالاری نتیجهسینده `سنی دئییرلر` آدییلا شؤهرت قازاندی» – دئیه، او قئید ائدیب.
رامین ماراغالینین سؤزلرینه گؤره، `سنی دئییرلر` ماهنیسی ایرانین تورک اولمایان خالقلاری آراسیندا رغبت قازانماییب. "کولتورون سرحدی اولمادیغی کیمی، بو ماهنی آذربایجان رئسپوبلیکاسیندا رغبت قازاندی، هم ده ایران تورکلری بو ماهنی ایله اوینایب رقص ائتدیلر."
`سنی دئییرلر`ماهنیسیندا ایفاچینین اورمییه گؤلوندن سؤز آچاراق، گؤلون قوروماسی و پیس وضعیتی دیله گتیرمهسی رامین بیین فیکرینجه، دقتلری رئگیوندا اورمییه گؤلونه چکدی.
گونئیلی موغهننی `سنی دئییرلر` ماهنیسی اولایینا بنزر بو دفعه آذربایجان رئسپوبلیکاسیندان ایران آذربایجانی ایجماسیندا پوپولیارلاشان `ایچیرهم من` ماهنیسینا توخوناراق دئییب کی، »قوزئیلی بیر سنتچیمیزین `ایچیرهم من` آدلی ماهنیسی سرعتله گونئی آذربایجاندا یاییلمایا باشلاییب و هر کس اؤز سوسیال مئدیا حسابیندا بو ماهنینی اوخویاراق پایلاشیملار ائدیر. بو پروسئسلر بیزیم میللتی کولتور، دیل و صنعت باخیمیندان بیر آرایا گتیریر. تئخنولوگییا ایسه بو پروسئسی سورتلندیریر.»
«بعضی دوستلاریمیزین تنقیدلری بو اولا بیلر کی، بو ماهنیلار توی ماهنیسی و یاخود کوچه بازار موسیقیسیدیر و صنعت باخیمیندا دیری یوخدور. یاییملانان بو ماهنیلار خالقین طرفیندن یارادیلیر و یئنی فولکلور موسیقیسی کاتئقورییاسیندا یئرلشیر" – دئیه، گونئیلی موغهننی علاوه ائدیب.
تاریخ
2020.02.21 / 22:57
|
مولف
Axar.az
|