سون واختلار ایران‌دا تورکلره قارشی آیریسئچکی‌لیک و دیل حقوقلاری مؤوضوسو ایدمان ساحه‌سین‌دن علاوه کینو و اینجسنت ساحه‌لرین‌ده ده گون‌ده‌مه گلمه‌یه باشلاییب.

آخار. آز خبر وئریر کی، سیاسی شرح‌چی صادق ایسابیلینین سؤزلرینه گؤره، حاکمیتین باسقیلاری آرتدیقجا ایران آذربایجانین‌داکی میللی حرکاتین نفوذ دایره‌سی ده فرق‌لی ساحه‌لر و فرق‌لی بؤلگه‌لرده گئنیشله‌نمک‌ده‌دیر.

گؤروروک کی، دیگر تورک ایجمالاری، او جمله‌دن تورکمه‌نلر و قاشقای تورکلری ده گونئی آذربایجان‌دا گئدن او میللی حرکاتا اساس‌لاناراق اؤز اجتماعی، اقتصادی و سیاسی مسئله‌لرینی گون‌ده‌مه گتیریرلر.
«گونئی آذربایجان‌دا گئدن میللی حرکات آرتیق اؤز گئرچک پوتئنسیال گوجونو رئال گوجه چئویره بیلیر. آرتیق ایستکلرینی موختلیف فورمالاردا گون‌ده‌مه گتیره بیلیر،» صادق ایسابی‌لی ایفاده ائدیر.

او دئییر کی، «رئژیم باسقیلاری شدتله آرتیریر. بیزیم میللی فعاللارا قارشی آغیر حبس جزالاری چیخاریر. دیل حقوقلاری ایسته‌یه‌نلره ۵ ایلده‌ن آرتیق حبس وئریر. اما بونونلا یاناشی، بو حقیقتی ده گؤروروک کی، حرکاتین اورتایا قویدوغو طلبلر و ایستکلر ده کوتلویلشیب.»

ایسابیلینین فیکرینجه، ایران آذربایجانین‌دا اهالی یاشادیغی اجتماعی-اقتصادی پروبلئملرین تئهران منشأ‌لی اولدوغونون فرقینه واریب:

«بیز ایندی طلبلریمیزین بوتون ساحه‌لرده گون‌ده‌مه گلمه‌سینی و حرکاتین حاق‌لی یؤنلرینین توپلوم‌دا ثبوتا یئتیریلمه‌سینی گؤروروک. اینسانلاریمیز آرتیق بونون فرقینددیرلر کی اونلارین اقتصادی، ایجتیما و سیاسی حیاتین‌دا اولان بوشلوقلار و چاتیشمازلیقلارین هامی‌سینین کؤکون‌ده تئهران‌دان یؤنله‌ن‌دیریله‌ن سیاست دایانیر.»

اینسانلاریمیز فرقینددیرلر کی حیاتلارین‌دا اولان بوشلوقلار و چاتیشمازلیقلارین هامی‌سینین کؤکون‌ده تئهران‌دان یؤنله‌ن‌دیریله‌ن سیاست دایانیر.
سیاسی فعال ایرانین دیگر بؤلگه‌لرین‌ده یاشایان تورک ایجمالارین دا گونئی‌ده‌کی میللی حرکات‌دان تأثیر آلدیغینی اؤنه چکیر.

«بو اعتراضین احاطه دایره‌سی گئتدیکجه گئنیش‌لنه‌رک، گونئی آذربایجان‌دان چیخیر و داها اوزاق بؤلگه‌لره ده گئدیر. حتی گؤروروک کی، دیگر تورک ایجمالاری، او جمله‌دن تورکمه‌نلر و قاشقای تورکلری ده گونئی آذربایجان‌دا گئدن او میللی حرکاتا اساس‌لاناراق اؤز اجتماعی، اقتصادی و سیاسی مسئله‌لرینی گون‌ده‌مه گتیریرلر،» ایسابی‌لی قئید ائدیر.

صادق ایسابی‌لی علاوه ائدیر، «من دوشونوره‌م کی، گونئی آذربایجان گون‌ده‌می تکجه ایران سرحدلرینین داخیلین‌ده قالمایاجاق. بو طلبلری بؤلگه دؤولتلرین‌ده، آوروپادا و عمومیتله قلوبال بازادا گون‌ده‌مه گتیره بیله‌جک.»